Noticias
FEGADACE continúa reclamando a vacinación das persoas con dano cerebral e coidadoras
O movemento asociativo considera que é imprescindible incluír ás persoas con DCA e ás persoas coidadoras entre os grupos de poboación prioritarios nos plans de vacinación. A variedade de secuelas, a existencia de pluripatoloxías asociadas, o autoconfinamento ao que se someten moitas persoas e familias polo medo ao contaxio son só algunhas das razóns que nos levan a solicitar unha vez máis unha medida que consideramos de xustiza.
‘Nós tamén somos mulleres’
Reproducimos o Manifesto feminista das Mulleres con Discapacidade publicado pola Fundación Cermi Mujeres con motivo do Día Internacional da Muller. Tamén podes lelo en versión de lectura fácil e acceder a el en lingua de signos.
Sarela fará desde o luns unha protesta diaria ata que as persoas con dano cerebral adquirido e con dependencia estean vacinadas
A entidade toma esta decisión ante os atrasos continuados e falta de concreción sobre a súa inmunización cando paralelamente a administración competente fai anuncios relativos á vacinación de novos grupos de poboación. O equipo de Sarela tamén segue sen vacinar.
Chegamos ao programa 50 na nosa colaboración con Radio Estrada
Hoxe celebramos que a colaboración que mantemos desde o mes de xuño de 2019 con Radio Estrada chegou ao seu programa número 50. Pronto faremos dous anos desde que Fran Campos comezara coas entrevistas semanais no seu programa A Galería 2.0 con motivo da apertura na Estrada dun punto de información sobre dano cerebral no centro de saúde.
Tres titoriais para saber como debe ser a hixiene oral da persoa con dano cerebral
FEGADACE e a Unidade de Odontoloxía para Pacientes con Necesidades Especiais, da Universidade de Santiago de Compostela,elaboraron tres vídeo-titoriais con indicacións sobre como debe ser o coidado diario da hixiene oral dunha persoa con dano cerebral sexa independente ou con dependencia (moderada ou severa).
Sarela cumpre 20 anos na súa defensa das persoas con dano cerebral
Hoxe, 19 de decembro, Sarela cumpre 20 anos desde a súa fundación por parte dun pequeno grupo de familiares de persoas con dano cerebral. Nestas dúas décadas Sarela medrou e consolidou o seu papel central na atención ás persoas con DCA pero sobre todo foi fundamental para o recoñecemento institucional e social da que é primeira causa de discapacidade e dependencia en España.
20 anos en pequenos pasos
Este sábado, 19 de decembro, Sarela está de aniversario. Hai meses que as ideas que tiñamos para celebralo quedaron desbotadas pero iso non significa que renunciemos a facelo. Hoxe comezamos cun repaso de pequenos pasos que conforman o camiño percorrido nestes 20 anos. Son momentos, compromisos, formas de traballar ou proxectos que nos marcaron.
Felicitacións polo 20 aniversario
Con motivo da celebración do 20 aniversario de Sarela chegáronnos mensaxes de felicitación doutras entidades, amigos/as, institucións, familias etc que xuntamos nunha serie de vídeos. Na noticia podes acceder aos enlaces.
“Reiniciando”, a canción de Favorita para as persoas con dano cerebral
Sarela comezou o ano co firme propósito de mirar cara adiante e afrontándoo con novos ánimos. Fixémolo da man de Favorita, un grupo da cabalo entre Santiago, Cuntis e A Estrada, e o enorme tema que fixeron para nós. “Reiniciando” é optimismo, vitalidade e afronta o dano cerebral poñendo en valor ás persoas e súas capacidades. O proxecto naceu para formar parte da representación anual da compañía de teatro de Sarela e que se tivo que suspender.
FEDACE presenta o estudo de investigación comparativo entre os distintos modelos de atención ao Dano Cerebral en España
Conclúe que non existe un modelo de atención homoxéneo entre Comunidades Autónomas. FEDACE defende a creación dunha normativa estatal que garanta unha igualdade de dereitos sociosanitarios.
Bota a andar o voluntariado virtual de Sarela
Como xa informamos estes días, o servizo de voluntariado tamén se adaptou ás novas circunstancias. Por seguridade as persoas voluntarias non poden acceder ao centro e por iso acabamos de botar a andar o voluntariado virtual coa proposta de actividades que poden ser de axuda ás familias e a Sarela. Na web iremos actualizando os postos de acción voluntaria que precisamos.
Luciano Fernández, secretario de Sarela, foi elixido presidente do CERMI Galicia
O Comité de Entidades Representantes de Persoas con Discapacidade de Galicia (CERMI Galicia) elixiu onte en asemblea extraordinaria a Luciano Fernández Pintor como novo presidente da entidade. Luciano Fernández é o actual secretario da Xunta Directiva de Sarela e, na súa representación, presidente de Fegadace e Fedace, as federacións galega e española de dano cerebral.
Manifesto "Baixo o mesmo paraugas" con motivo do Día Internacional das Persoas con Discapacidade
Hoxe, como cada 3 de decembro, máis de 80 entidades de toda Galicia unímonos para conmemorar o Día Internacional das Persoas con Discapacidade baixo nosa iniciativa “Baixo o mesmo paraugas”, para poñer en primeiro lugar os dereitos de todas as persoas e defender que a diversidade é un valor crave na sociedade. Este é o manifesto que deberiamos ter lido na Praza do Obradoiro e que, debido á pandemia, sustituimos por unha lectura a distancia.
Día do Dano Cerebral 2020
Sarela celebrou un ano máis, e van catorce, a conmemoración do Día do Dano Cerebral. A situación tan excepcional pola que pasamos obrigou a cancelar non só as actividades que se realizaban os últimos anos senón tamén as planificadas pola celebración do 20 aniversario de Sarela. A nosa asociación non faltou á lectura do manifesto que cada ano recolle a visión e demandas do movemento asociativo do Estado.
