• Foto exterior da fachada principal do centro

Que facer tralo DCA?

Os primeiros momentos tras unha lesión cerebral están cheos de dúbidas e incertezas ao ser unha situación repentina. O más importante é, dentro dese contexto de preocupación, manter a calma, observar como evoluciona a persoa e, cando haxa unha estabilización médica e se aproxime a alta hospitalaria, comezar a pensar nos seguintes pasos a seguir. Cada lesión cerebral é diferente polo que é moi difícil prever a evolución e o alcance dese dano.


FASES NA ATENCIÓN


A atención á persoa con dano cerebral pasa por diferentes etapas desde o momento que se produce ata que se estabiliza.

Fase crítica: é o momento no que se produce a lesión.

Fase aguda: entramos no ámbito sanitario a través das  unidades de coidados intensivos, unidades de ictus ou equivalentes  co obxectivo de salvar a vida da persoa e  mitigar as secuelas coas intervencións que sexan precisas.

Fase subaguda: nesta fase dá comezo a rehabilitación específica de dano cerebral segundo as necesidades de cada persoa. A persoa afectada aínda é “paciente” pois seguimos nunha fase sanitaria e na que comezan a traballar as unidades de rehabilitación hospitalaria e ambulatoria.

Fase crónica ou de estabilización: As secuelas estabilízanse, a persoa xa non precisa coidados médicos e pode volver ao seu domicilio. Neste momento a persoa pode volver ao seu traballo ou de ser necesario a un recurso comunitario como pode ser un centro de día. É o maior reto para esas persoas e as familias. Estas últimas teñen que asumir a responsabilidade de coidados e adaptar o fogar ás novas necesidades. 


RECOMENDACIÓNS


Segundo a fase na que se atope a persoa estes son algúns dos consellos que damos:

Durante a h​ospitalización:

  • Reclamar que sexa sempre o mesmo especialista quen informe, tendo en conta que xa serán varios ó longo de toda a fase hospitalaria, ó pasar por distintos servicios.

  • Solicitar toda a información que se precise.

  • No caso de que se dean situacións con causas ou consecuencias que teñan repercusións de tipo legal ou xurídico, laboral, indemnizacións, etc., cómpre contactar cun avogado especialista na materia en concreto.

 

Á hora de recibir a alta hospitalaria:

  • Ter en conta que o informe de alta conteña o resumo do proceso asistencial do paciente asinado polo médico responsábel da atención durante a hospitalización.
  • Comprobar que estean concertadas citas de seguimento polas distintas especialidades que deban atender ao paciente.
  • Asegurarse de que se indique con claridade no informe de alta que tratamento rehabilitador se debe seguir.

 

Na volta á casa:

  • Contactar co servizo de traballo social de atención especializada ou primaria e/ou  da Asociación de Dano Cerebral que corresponda e solicitar información e apoio sobre a situación e necesidades do familiar con dano cerebral adquirido.

 

GUÍAS DE APOIO 

Portada da Guía de Familias de FEDACE Portada da guía de Orientación para familiares, amigos y cuidadores Portada da guía He sufrido un daño cerebral, ¿y ahora qué?
Portada da Guía de atención para personas con disfagia Portada da Guía de actividades físico-deportivas
Portada do Modelo de atención a las personas con daño cerebral Portada da Guía de Familias do Ministerio de Traballo Portada da 'Guía para las personas que conviven con la Espasticidad'
Portada da guía 'La fatiga mental y física tras el DCA' Manual El cuidado y la promoción de la autonomía personal tras un ictus.  

USO DE COOKIES

Utilizamos cookies propios e de terceiros para mellorar a súa experiencia e os nosos servizos, asi como para mostrarlle no noso website, ou nos de terceiros, publicidade baseada na análise dos seus hábitos de navegación. Se continúa a navegar, consideramos que acepta o seu uso.
Pode obter mais información na nosa Política de Cookies.