Organizadas por UGADE na Coruña, Vigo e Santiago.
A Unión Galega de Epilepsia (UGADE) organiza unha serie de actividades pola Semana da Epilepsia, adicada aos dereitos das persoas con esta doenza crónica.
As actividades comezan o venres 22 de maio en varias sedes con tres mesas informativas. Estas mesas van estar no Hospital Xeral e no do Meixoeiro, en Vigo, de 10:00 a 14:00, no Hospital Xeral e no Materno, na Coruña, de 09:30 a 14:00, e no Hospital Clínico de Santiago de 09:30 a 14:00.
O groso do programa desenvólvese o sábado, 23 de maio, desde as 10:00, no Centro Cultural das Fontiñas (en Santiago de Compostela). Inclúe:
-
10:15. Aspectos psicosociais e recursos para persoas con epilepsia, por José Luís Barreiro Mosquera, traballador social do Complexo Hospitalario de Santiago.
-
11:30. A epilepsia na familia, por Miguel Anxo García Álvarez, facultativo especialista da área de Psicoloxía Clínica do Complexo Hospitalario de Santiago.
-
13:00. Coloquio-encontro.
-
13:45. Peche da xornada.