Bandexas solidarias na Tenda de Sarela

Elaboradas nos obradoiros de manualidades

As persoas usuarias de Sarela amplían a oferta de produtos cunha serie de bandexas de cristal decorado. Estas bandexas súmanse ao catálogo da Tenda online da asociación.

Hai catro tamaños e formas diferentes, entre os 12 e os 24,5 cm (pequena, mediana, grande e súper grande), e rectangulares ou cadradas. Están feitas de cristal e decoradas con papeis de diferentes cores que deixan na bandexa un efecto de cromado.

As bandexas son elaboradas nos obradoiros de manualidades nos que as persoas usuarias de Sarela traballan o coiro, elaboran broches, decoran bandexas, e outras actividades que lles axudan a desenvolver as súas capacidades e habilidades manuais.