Subscríbete ao noso boletín
Recibe novas no teu email
Introducíronse cambios estéticos e de estrutura para unha mellor comunicación da nosa actividade pero a revisión da páxina centrouse fundamentalmente en garantir a súa accesibilidade.
Estes días estivemos traballando na web da asociación para introducir algunhas melloras e garantir sobre todo unha correcta navegabilidade. Ademais dalgúns cambios estéticos e de estrutura que permitan unha mellor comunicación da nosa actividade, a revisión da páxina centrouse fundamentalmente en garantir a súa accesibilidade.
Agora a web procura que a presentación de todos os contidos e funcionalidades esenciais da mesma sexa independente dos dispositivos físicos e dos navegadores empregados e accesible tamén para navegadores adaptados a persoas con limitacións sensoriais, motoras ou cognitivas. A web de Sarela agora é adaptativa polo que poderemos consultala de xeito sinxelo desde calquera dispositivo móbil e cumprindo as normas de accesibilidade.
As páxinas deste sitio web cumpren a marca AA segundo a Norma UNE 139803:2012 e as Directrices de Accesibilidade para Contido Web 2.0 do (WCAG 2.0) pola Iniciativa de Accesibilidade Web (WAI) do World Wide Web Consortium (W3C).