O venres, 20 de decembro, de dez da mañá a dúas da tarde.
A Xornada de Sensibilización na Comunidade é unha iniciativa que promove a Asociación de Dano Cerebral de Compostela Sarela para expoñer á sociedade compostelá o seu traballo, principios, reivindicacións e obxectivos. Este venres celébrase a súa XV edición.
Persoas con dano cerebral adquirido, familiares e persoal técnico de Sarela atenderán as dúbidas e necesidades de todas as persoas que se acheguen ao posto que van colocar no centro comercial Área Central, no barrio das Fontiñas. Será o 20 de decembro, de dez da mañá a dúas da tarde.
Ademais de información sobre o dano cerebral adquirido e sobre a asociación, Sarela vai expoñer o traballo realizado nos obradoiros de manualidades polas persoas usuarias da asociación. Broches de fieltro, pinzas para o pelo, caixas pintadas ou traballos en coiro forman parte do catálogo que a asociación vai amosar nesta xornada.
Sarela organiza as Xornadas de Sensibilización na Comunidade dúas veces ao ano, e en diferentes espazos de Compostela: centros comerciais, mercadiños cívicos, na rúa...