Novas

Tomar a palabra e participar de forma directa nos espazos sociais de representación da entidades é o obxectivo deste grupo formado por persoas con dano cerebral. Elas e eles serán persoas empoderadas e activas na relación con institucións, administracións, entidades empresarias, medios de comunicación etc para reivindicar os dereitos das persoas e familias con DCA, trasladar propostas para mellorar a súa situación e dar a coñecer a diversidade desta discapacidade.

O 3 de maio é o Día Nacional en España da Convención Internacional sobre os Dereitos das Persoas con Discapacidade. Con motivo desa conmemoración o Comité Español de Persoa con Discapacidade (CERMI) fixo público este manifesto e que foi lido en Galicia por persoas con discapacidade en representación de todas as entidades membro. Antonio Bascuas, persoa usuaria do servizo de SADT de Sarela, foi unha delas en representación de FEGADACE. A continuación podes ler o manifesto completo.

Sarela crea un club de lectura no que poden participar as familias socias da entidade e que está dinamizado por María Tilve, que é voluntaria en Sarela. No club, ademais de compartir lectura, organizan outras actividades culturais e de ocio. Reúnense dúas veces ao mes no Centro Sociocultural Maruxa e Coralia da Cidade Vella.

Esta mañá as entidades que representamos ao Terceiro sector galego na loita contra a pobreza e a exclusión social, agrupadas en Cermi-Galicia, EAPN-Galicia e Plataforma de organizacións de infancia-Galicia, presentamos a campaña cun acto na Praza da Quintana. Grazas ao “X Solidario”, no 2022 máis de 140 organizacións de acción social de toda Galicia levaron a cabo 607 proxectos que beneficiaron de xeito directo a un mínimo de 182.904 persoas.

Manifesto feito público polas entidades agrupadas en Cermi-Galicia, EAPN-Galicia e Plataforma de organizacións de infancia-Galiciano no acto celebrado na Praza da Quintana para presentar a campaña "Chámalle X".

O Servizo de Información, Orientación e Apoio a familias oferta diversas actividades destinadas ás persoas coidadoras. Hai actividades que se poden facer acompañadas e outras só de forma individual e todas poden realizarse en calquera momento ata final de ano.

A asemblea de persoas socias, celebrada o venres 24, tamén ratificou o Plan Estratéxico de Sarela para 2023 e 2024 así como as memorias de actividades e económicas do ano pasado. Toda a documentación xa está dispoñible na sección de transparencia da web.

A continuación reproducimos o manifesto reinvindicativo que, con motivo da celebración hoxe da Día Internacional da Muller, fai público a Fundación Cermi Mulleres, unha organización creada polo Comité Español de Representantes de Persoas con Discapacidade (CERMI) para a defensa e acción do pleno goce de todos os dereitos humanos e liberdades fundamentais das mulleres e nenas con discapacidade. Na fotografía da noticia, mulleres usuarias e profesionais de Sarela súmanse ao lema “Eu decido”.