Colaboración en Ames Radio

Miguel Vieito, avogado e responsable do servizo de asesoramento legal de Fegadace, explica o contido e obxectivo desta guía da que é coautor. A guía recolle, nunha linguaxe clara e con datos moi comprensibles, todo o relativo ás leis que lles afectan e sobre todo á Lei 8/2021 que establece un sistema de apoios ás persoas con discapacidade. 

Laura Sosa, persoa usuaria do servizo de Mapis, fala do camiño percorrido ata conseguir a confianza e habilidades que lle permitiron asistir, xunto con Ana Pedrosa (compañeira no mesmo servizo), a unha reunión no Senado representando a mulleres con dano cerebral. Na entrevista, a educadora social Noelia Parente dá a visión dunha profesional do servizo.

Montse Terceiro, socia de Sarela con dano cerebral, dá a visión en primeira persoa da reforma constitucional que, entre outras medidas, elimina o termo diminuída/o para referirse ás persoas con discapacidade e pon o énfase sobre os dereito e deberes que teñen esas persoas como cidadás e cidadáns libres e iguais. Montse tamén fala do grupo de primeira persoa de Sarela e que está formado por persoas con dano cerebral para tomar a palabra e participar de forma directa nos espazos sociais de representación da entidade.

Marta Ferreiro, logopeda, fala da disfaxia que é é a dificultade para tragar que teñen moitas persoas con dano cerebral adquirido e que tamén afecta a outras con alzhéimer, esclerose lateral amiotrófica etc, ou que tiveron distintos tipos de cancro que afectan á zona da lingua, beizos, larinxe, etc. Tamén explica as alternativas teñen estas persoas para desfrutar da comida.

Majo Hermida, terapeuta ocupacional e coordinadora do Servizo de Atención Especializada, fala da intervención específica con nenos e nenas con Dano Cerebral, da súa participación en aspectos da vida diaria como é escola, o lecer etc. 

Nesta entrevista Luciano Fernández, secretario de Sarela e presidente de Fegadace, fai un repaso sobre a situación das persoas e familias con dano cerebral desde o punto de vista social, asistencial etc e fala dos retos inmediatos e estratéxicos do movemento asociativo, e en particular de Sarela.

Noelia Parente, educadora social, explica os principios que inspiran o programa de voluntariado de Sarela do que ela é responsable.

Laura Segade, traballadora social, fala da importancia de ter, á hora de afrontar a nova situación derivada do DCA, unha información adecuada sobre esta discapacidade, recursos existentes, apoio doutras familias etc.

Noelia Parente, educadora social e orientadora laboral de Sarela, fala sobre a situación das persoas con DCA en idade laboral e do enfoque de traballo do Servizo de Orientación Laboral para acadar o obxectivo de que volvan traballar.

Majo Hermida, terapeuta ocupacional, fala deste servizo, do que é coordinadora, e que está enfocado ás persoas que rematan o seu período de rehabilitación.

Alba Mouzo, terapeuta ocupacional e coordinadora deste servizo, fala da importancia deste recurso de atención integral e especializada ás persoas con DCA en fase crónica ou de estabilización.

Olalla Domínguez, traballadora social de Sarela, fala sobre a celebración do Día do DCA e das reinvindicacións do movemento asociativo.

Ana Ruiz, terapeuta ocupacional e coordinadora do Servizo de Atención Especializada, explica o proceso de rehabilitación individualizada tras o DCA.

A psicóloga Sonia Porto falas das secuelas cognitivas relacionadas co Dano Cerebral e que abranguen aspectos como á orientación espacial e temporal, atención, concentración, memoria, planificación, expresión e comprensión da linguaxe etc.

Impulsividade, apatía, inhibición, axitación, irritabilidade, ansiedade, sentimentos depresivos etc. Estas son algunhas das alteracións que poden sufrir persoas tras o DCA. Noelia Ouro, psicóloga/neuropsicóloga, fala destas secuelas e da súa rehabilitación.

Marta Ferreiro, logopeda en Sarela, explica cales son as secuelas da comunicación, tanto as referidas á linguaxe como á fala, e a súa rehabilitación.

Emily Santalla, fisioterapeuta de Sarela, explica cales son as secuelas físicas do Dano Cerebral e que afectan por exemplo á execución de movementos, á regulación do ton muscular, á capacidade de manter o equilibrio ou á coordinación ou realización de movementos pero tamén poden supor dificultades para respirar ou afectar ao proceso de alimentación.

Laura Segade, traballadora social en Sarela, fala sobre que podemos facer cando aparece  o Dano Cerebral e o noso familiar está no hospital, que dereitos nos amparan etc. 

Julia Lodeiro, psicóloga/neuropsicóloga en Sarela, explica que é o Dano Cerebral (causas, secuelas...) e presenta o obxectivo social de Sarela e seus servizos de atención ao DCA.