Suscríbete a nuestro boletín
Recibe noticias en tu email
Reproducimos a reportaxe que Joel Gómez publicou en La Voz de Galicia sobre o caso de Susana Rodríguez. Ela explica o camiño percorrido para volver traballar desde que hai 17 anos sufriu un accidente de tráfico que lle causou un Dano Cerebral. Ela é usuaria do Servizo de Orientación Laboral de Sarela que promove a busca de emprego, a formación e a cualificación das persoas con DCA e da que é responsable Noelia Parente, que tamén participa na reportaxe. Fotografías: Xoán A. Soler.
O obxectivo é dar a mellor atención e derivación de persoas con Dano Cerebral en situación de busca de emprego. O acordo encádrase no do convenio asinado en setembro de 2021 que posibilitou a apertura do punto de información especializada e a realización de actividades de sensibilización e prevención en Lalín.
A educadora social Noelia Parente é a coordinadora do Servizo de Atención Diúrna Ocupacional e orientadora laboral de Sarela. Recentemente participou na elaboración da primeira guía metodolóxica para a inclusión sociolaboral para persoas con dano cerebral adquirido xunto a outras entidades federadas en FEDACE. Ela explícanos o método de traballo que se deriva deste traballo así como é a situación que deben afrontar as persoas con DCA para reincorporarse a unha actividade.
Sarela, a través do seu Servizo de Atención Diúrna Ocupacional (SADOC), participou activamente cun posto de información propio en Talentia 2018. Esta foi a primeira edición dun encontro organizado polo Concello de Santiago que busca a dinamización do emprego e o fomento do talento.
Sarela foi unha das entidades encargadas de liderar proxectos dentro da comunidade #conecta2xAccesibilidad impulsada pola Fundación Vodafone España. Unha iniciativa que desenvolveu 16 proxectos de transformación dixital que buscaron facer a vida máis fácil a persoas con discapacidade grazas ao uso das novas tecnoloxías.
Sarela e Agadea somos dúas asociacións amigas que traballamos no ámbito do dano cerebral e do Alzheimer respectivamente. Desde hai unhas semanas estamos a colaborar para que Isaías, un dos nosos socios con DCA, dinamice un grupo para xogar ao boccia no centro de día de Agadea. El vai como voluntario e para iso axúdase da aplicación Mefacilyta para o teléfono.
O Servizo de Atención Diúrna Ocupacional de Sarela comezou a súa andaina en novembro de 2016. Estes meses desde a súa posta en marcha implicaron un traballo intenso ao non existir ata este momento un centro deste tipo orientado ás persoas con dano cerebral adquirido que buscaban normalizar a súa vida sociolaboral. Foron meses de axustes e de dar a coñecer o servizo pero tamén de éxitos, os que representan as seis insercións acadadas entre as persoas que participaron nas súas actividades.
Sarela asinou coa empresa SEFER S.L un convenio para que as persoas usuarias do SADOC (Servizo de atención diúrna ocupacional) de Sarela realicen prácticas nesta empresa padronesa do sector do aluminio. Ramón Fernández Angueira, responsable da empresa, e José Balboa, presidente de Sarela, asinaron o acordo que permitirá avanzar na integración laboral destas persoas.