Novas

A Deputación da Coruña concedeu a Sarela unha subvención de 36.800 euros dentro do “Programa FOCVAA: convocatoria do programa de subvencións a entidades sen fins de lucro para o mantemento de programas sociosanitarios durante o ano 2023”. A resolución foi publicada no BOP do 5 de xuño. Esta subvención afianza o Servizo de información, orientación e apoio a familias que é un elemento fundamental e gratuíto para as persoas e familias con DCA.

Sarela crea un club de lectura no que poden participar as familias socias da entidade e que está dinamizado por María Tilve, que é voluntaria en Sarela. No club, ademais de compartir lectura, organizan outras actividades culturais e de ocio. Reúnense dúas veces ao mes no Centro Sociocultural Maruxa e Coralia da Cidade Vella.

O Servizo de Información, Orientación e Apoio a familias oferta diversas actividades destinadas ás persoas coidadoras. Hai actividades que se poden facer acompañadas e outras só de forma individual e todas poden realizarse en calquera momento ata final de ano.

É un recurso novo que será un punto de encontro permanente para as persoas socias de Sarela que desenvolven o rol de coidadoras como a lareira o era tradicionalmente na vida das casas. O obxectivo é crear un recurso a distancia onde se sintan seguras e acompañadas no proceso que están a vivir como persoas coidadoras e enfocado no autocoidado e na formación.

O Concello de Lalín e a Asociación de Dano Cerebral de Compostela Sarela asinaron hai 10 meses o convenio de colaboración para a posta en marcha dun punto de información especializado en Dano Cerebral e a realización de actividades de sensibilización e información dirixida á poboación e centros educativos.

Esta semana retomamos no Colexio Vilas Alborada de Santiago as charlas de sensibilización sobre Dano Cerebral destinadas e nenos e nenas e que desenvolvemos nos centros de primaria e secundaria. Este obradoiro busca, a través do xogo e a participación, explicar as claves do DCA (causas, secuelas, consellos de prevención, etc) e desenvolver habilidades e estratexias de comprensión desta discapacidade e da diversidade.

Sarela regresa aos concellos da Área sanitaria de Compostela e Barbanza coas charlas dirixidas á poboación xeral e nas que se tratan temas como as causas do DCA como o ICTUS, pautas de prevención, recomendacións de coidados, explicación dos servizos de Sarela, dereitos etc. Son impartidas por profesionais dos servizos especializados de Sarela.

Están dirixidas á poboación xeral e nelas falarase de causas como o ICTUS, da prevención, pautas de coidados, atención especializada, dereitos etc. Están xa programadas nos centros socioculturais da Rocha (19 de outubro), a Pontepedriña (8 de novembro) e Cardenal Quiroga (9 de novembro).