Colaborar con nós

As persoas con dano cerebral adquirido e as súas familias teñen en Sarela un recurso fundamental para a súa rehabilitación e o fomento da participación social. Pero Sarela tamén precisa axuda da sociedade e para iso hai moitas formas de colaborar con nós. Podes facerte socio/a, ter unha colaboración económica puntual ou participar no noso voluntariado.

ASÓCIATE ou doa

Facer que se coñeza a realidade desta discapacidade e ampliar os recursos para a súa atención é tarefa de todos e todas. Por iso é tan importante asociarse: unha pequena cuota pode contribuír a mellorar a calidade de vida dunha persoa con dano cerebral adquirido e a súa familia.

Desgravacións polas doazóns a Sarela

Sarela está declarada, desde 2008, asociación de utilidade pública. Esta certificación constitúe ante todo un recoñecemento ao traballo que desenvolve no seu día a día, pero supón tamén unha vantaxe para todas aquelas persoas físicas e xurídicas que queiran facer aportacións. 

As doazóns por parte de persoas (sexan cotas de persoas asociadas, colaboracións puntuais etc) a ONGs como Sarela permiten desgravar ata un 80% do diñeiro achegado.

Ata 150 euros: pódese desgravar o 80% de todas as doazóns.

A partir de 150 euros:

• Dos primeiros 150 € dedúdese o 80%.
• Da cantidade que supera eses primeiros 150 € pódese deducir:
  • O 40%, se a doazón nos dous exercicios anteriores foi unha cantidade igual ou superior ao ano anterior.
  • O 35% no resto dos casos.

Pero debemos ter en conta o seguinte:

• Para ter dereito á desgravación hai que realizar a Declaración da Renda.
• Esta dedución ten un límite da base liquidable do 10%.
• Se a doazón tamén se realizou nos 2 anos anteriores, a cantidade de desgravación pode ser maior.
• No caso dos/as socios/as, esta será a desgravación total no caso de que sexa unha colaboración anual (12 cotas). Se se leva menos de 12 meses como socio/a, a desgravación será proporcional aos meses nos que se colabora durante ese ano fiscal.

Exemplos de casos prácticos

Deducións se a doazón é dunha “persoa xurídica” (empresa)

Unha empresa pode deducir por donativos a unha ONG o 35% (co límite do 10% da base impoñible) da cantidade doada na cota do Impostos de Sociedades (IS). Esta dedución é do 40% para as doazóns realizadas a unha mesma entidade (por un importe igual ou maior) durante 3 anos.

Por exemplo, se doa 500€ desgravará 200 € se doou os dous anos anteriores, e 175€ se é o primeiro ou o segundo ano que colabora con Sarela.

Se colaboras con 500 euros ao ano

VOLUNTARIADO

Na sección específica nesta páxina dedicada ao VOLUNTARIADO tes toda a información sobre este programa.