Celébrase desde hoxe na Asociación de Dano Cerebral de Vigo.
A Federación Española de Dano Cerebral (
FEDACE) celebra do 25 ao 27 de setembro o seu IX Encontro de Voluntariado de dano cerebral. Os encontros teñen por obxectivo o intercambio de experiencias e a formación do voluntariado das asociacións de dano cerebral, un grupo de máis de 200 persoas que colaboran co seu tempo e coñecementos no desenvolvemento dos proxectos das asociacións. Con estas actividades, o voluntariado tamén ten a oportunidade de estreitar vínculsos entre compañeiros e compañeiras doutras cidades, e de coñecer como son e como traballan as asociacións de dano cerebral existentes noutros puntos de España.
Por iso, esta fin de semana celébrase en Vigo, co apoio da asociación
Alento, este encontro que reune a 40 voluntarios e voluntarias de distintas asociacións de DCA. No programa inclúese formación específica sobre alteracións da conduta, problemas cognitivos e problemas de comunicación no DCA; enfocada a coñecelos, comprendelos e saber como afrontalos no día a día da súa tarefa. Tamén se impartirá unha formación sobre primeiros auxilios e o encontro finalizará cun debate entre os asistentes sobre o seu rol nas asociacións de dano cerebral.
Os Encontros de Voluntariado e o Programa de Voluntariado son posibles grazas á colaboración do Ministerio de Sanidade, Servizos Sociais e Igualdade. Nesta edición, organizada co apoio de Alento, tamén contamos coa colaboración de Vitrasa, que ofrece un servizo de autobús aos voluntarios/as para os desprazamentos programados dentro do Encontro.
*Información e cartel extraídos da páxina web de
FEDACE.