“Baixo o mesmo paraugas. Galicia pola diversidade”

26/11/2021

O venres 3 de decembro 87 entidades entidades sociais de toda Galicia conmemoran un ano máis o Día Internacional das Persoas con Discapacidade coa iniciativa colaborativa “Baixo o mesmo paraugas. Galicia pola diversidade” para reivindicar unha sociedade máis xunta e igualitaria para todas as persoas.

Como sucedeu o ano pasado a situación creada pola Covid-19 impedirá desenvolver os actos públicos que se desenvolvían nas cidades de Santiago, A Coruña, Lugo, Ourense, Pontevedra e Vigo pero as entidades propoñentes a toda a cidadanía unha acción conxunta nas redes sociais que consiste en:

 

1. O día 3 subir unha foto cun paraugas e unha mensaxe positiva cos hashtag #ParaugasPolaDise e #BaixoOMesmoParaugas
2. Etiquetar aos teus amigos a retolos a facer o mesmo
3. Etiquetar a @galiciadiversa

 

As asociacións convocadoras representan en conxunto unha base social de máis de 40.000 persoas entre persoas con discapacidade, familias, socios/as, voluntarios/as e profesionais.

 

O Día Internacional das Persoas con Discapacidade foi declarado en 1992 pola Asemblea Xeral das Nacións Unidas (mediante a resolución 42/7) e o seu obxectivo é promover os dereitos e o benestar das persoas con discapacidades en todos os ámbitos da sociedade e o seu desenvolvemento, así como concienciar sobre a súa situación en todos os aspectos da vida política, social, económica e cultural. En definitiva, para concienciar sobre a complexidade dos problemas da discapacidade e os desafíos aos que se enfrontan as persoas con discapacidade en todo o mundo.

 

Na comarca de Compostela esta iniciativa cooperativa está impulsada por Acem (Asociación Compostelá de Esclerose Múltiple), Down Compostela , Fegadace (Federación Galega de Dano Cerebral), Fegadem (Federación Galega de Esclerose Múltiple), Amipa (Asociación de País e Nais de Persoas con Discapacidade Intelectural da comarca do Sar) e Sarela (Asociación de Dano Cerebral de Compostela) .

 

Compartir en:

USO DE COOKIES

Utilizamos cookies propias e de terceiros para mellorar a súa experiencia e os nosos servizos, así como mostrarlle, desde o noso sitio web ou os de terceiros, publicidade baseada na análise dos seus hábitos de navegación. Se pulsa en aceptar, consideramos que admite o seu uso.
Pode obter máis información na nosa Política de Cookies.

Aceptar todas Configurar Cookies Máis información