Campamentos para persoas con discapacidade da Xunta

06/06/2014

Con idades comprendidas entre os 11 e os 40 anos.

A Secretaría Xeral de Política Social da Xunta de Galicia convocou as prazas de campamentos de verán específicos para persoas con discapacidade. A convocatoria está dirixida a persoas cun grao igual ou superior ao 33% de discapacidade, e con idades comprendidas entre os 11 e os 40 anos.

 

O prazo para a presentación de solicitudes está aberto ata o día 21 de xuño (incluído). O formulario que hai que presentar pode descargarse aquí, e debe entregarse na Consellería de Traballo e Benestar (Edificio Administrativo de San Caetano S/n), en Santiago. O propio formulario inclúe indicacións sobre a documentación que se debe presentar a maiores. Entre elas está un informe médico sobre saúde, autonomía persoal e farmacoloxía da persoa con discapacidade.

 

A oferta de campamentos comprende o Albergue Xuvenil de Gandarío, en Bergondo, a Residencia de Tempo Libre de Panxón, en Nigrán, o centro ASPANAS Termal, en Ourense, e o Campo de Traballo de Vilarbó, nas Pontes de García Rodríguez. Neste folleto pódese ver, polo miúdo, en que datas e que franxas de idade cubre cada unha desas ofertas. Todos os campamentos teñen a mesma duración -dez días- e o mesmo prezo -125 euros-.

 

Hai máis información no teléfono 900 333 666 e na páxina web da Consellería de Traballo e Benestar.
 

*Información extraída do blog de FEGADACE.

 

Categorías: Discapacidade
Compartir en:

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar todas Configurar Cookies Más información