O CERMI mobilizarase en campaña para reclamar o dereito a voto para 80.000 persoas con discapacidade

06/05/2016

Denuncia unha "conculcación masiva de dereitos", os de máis de 80.000 persoas con discapacidade intelectual incapacitados xudicialmente

O CERMI mobilizarase durante a campaña electoral para denunciar que en España segue a haber 80.000 persoas con discapacidade que por "falta de vontade política" tampouco poderán votar na convocatoria do 26 de xuño,xa que nesta 'lexislatura express' non se fixo nada por devolverlles ese dereito.

 

"Volveremos a ter unhas eleccións excluíndo a xente que quere participar, que ten un dereito recoñecido internacionalmente e que co desaxuste da nosa lexislación non o van poder exercer", denuncia o presidente do CERMI, Luis Cayo Pérez Bueno.

 

Para o CERMI, en España prodúcese unha "conculcación masiva de dereitos", os de máis de 80.000 persoas con discapacidade intelectual incapacitados xudicialmente. A Lei Orgánica de Réxime Electoral Xeral (LOREG) impide votar nestas circunstancias pero a Convención da ONU sobre os Dereitos das Persoas con discapacidade ratificada por España en 2008 obriga a modificar a normativa porque, di, ninguén pode ser privado dese dereito "por razón de discapacidade".

 

En 2011 a ONU examinou a España para comprobar o nivel de adaptación das súas leis á Convención e advertiu incumprimentos. Incluso a Comisión Constitucional do Congreso aprobou en 2013 instar ao Goberno a modificar a LOREG, pero esa inciativa non tivo resposta por parte do executivo.

 

"É unha anomalía de nosa democracia, que a fai máis débil e máis deficitaria. Unhas eleccións máis, a milleiros de persoas se lles nega o dereito máis básico de todos, o de votar, por ter unha discapacidade", sinala o presidente do CERMI. 

Categorías: Discapacidade

USO DE COOKIES

Utilizamos cookies propias e de terceiros para mellorar a súa experiencia e os nosos servizos, así como mostrarlle, desde o noso sitio web ou os de terceiros, publicidade baseada na análise dos seus hábitos de navegación. Se pulsa en aceptar, consideramos que admite o seu uso.
Pode obter máis información na nosa Política de Cookies.

Máis información