Hoxe celebramos que a colaboración que mantemos desde o mes de xuño de 2019 con Radio Estrada chegou ao seu programa número 50. Pronto faremos dous anos desde que Fran Campos comezou coas entrevistas semanais no seu programa A Galería 2.0 con motivo da apertura na Estrada dun punto de información sobre dano cerebral no centro de saúde.
Nestes 50 programas pasaron polos micrófonos persoas con dano cerebral, profesionais e familias para dar información en primeira persoa sobre temas, uns xerais e outros máis especializados, sobre o dano cerebral, as súas causas, consecuencias e os servizos de Sarela.
Se o desexas podes acceder a todos os programas na sección da nosa web Respostas ao Dano Cerebral