Subscríbete ao noso boletín
Recibe novas no teu email
A través da venda dunha taza e dunha camiseta solidaria.
O club de fútbol Biduído S.R. está a conmemorar o seu 31 aniversario de maneira solidaria, recadando fondos para Sarela.
Ademais do partido solidario coa S.D. Compostela que celebrou hai pouco máis dunha semana, e doutras actividades que teñen previstas, o Biduído editou unha taza e unha camiseta solidarias que se poden encargar a través da tenda de Sarela.
Co lema do movemento asociativo do dano cerebral ("unha vida salvada merece ser vivida") e unha bonita ilustración, a camiseta pode encargarse en varias tallas e cores a un prezo de 7 euros.
A taza ten o mesmo prezo e idéntico motivo, estampado en verde sobre fondo branco.
A Asociación de Dano Cerebral de Compostela agradece a iniciativa solidaria do club de fútbol e a implicación de todas as persoas que se están animando a colaborar.