Costumes que prexudican ao cerebro

Grazas á cantidade de información e aos distintos avances no ámbito da neurociencia, as persoas son cada vez máis conscientes da importancia de ter un cerebro en forma. Así, o interese por coidar o cerebro vai crecendo día a día e preocupámonos por buscar algúns exercicios para axilizar e activar as capacidades cognitivas, pero poucas veces mencionamos que o noso cerebro tamén pode verse afectado por certos hábitos. 

 

Un cerebro saudable é fundamental para levar en xeral unha vida sa, con todo, con frecuencia póñense en práctica distintos hábitos que resultan prexudiciais, segundo a Organización Mundial da Saúde (OMS). Pero cales son esas actividades cotiás que o danan? Aquí está unha lista de todo aquilo que se debe evitar para manter a nosa mente en bo estado, de acordo a un estudo realizado por neurocientíficos da Universidade Pompeu Fabra:

 

1. Non almorzar.

As persoas que non toman almorzo non posúen un nivel óptimo de azucre e proteínas. Estes nutrientes son necesarios, sobre todo nas primeiras horas do día, xa que evitan a dexeneración do cerebro. 

 

2. Reaccións violentas ou estrés prematuro.

Hai que tratar de evitar calquera reacción sorpresiva ou estrés, xa que causan o endurecemento das arterias do cerebro. Se estas e fortifican, a capacidade mental diminúe co tempo. 

 

3. Fumar.

O mal hábito de fumar diminúe a masa encefálica. Esta encárgase das funcións voluntarias. Doutra banda, os adictos ao tabaco son máis propensos a sufrir de Alzheimer. 

 

4. Consumo elevado de azucres.

O exceso de azucre interrompe a absorción de proteínas. Se o corpo non consome de xeito correcto diversos nutrientes, o desenvolvemento do cerebro vese interferido pola mala alimentación.

 

5. Exposición constante a ambientes contaminados.

O cerebro é o órgano que máis osíxeno consome. Se se está por moito tempo nalgún lugar contaminado, diminuirá o fornecemento de osíxeno ao cerebro. Como consecuencia habería unha deficiencia cerebral. 

 

6. Durmir pouco.

Durmir 8 horas diarias fai que o cerebro poida descansar. Se un dorme pouco, acelérase a morte das células cerebrais.

 

7. Cubrirse a cabeza mentres se dorme.

Cando un dorme coa cabeza cuberta, aumenta a concentración do dióxido de carbono (CO2) no cerebro. Isto ocasiona efectos moi daniños neste órgano. 

 

8. Forzar ao cerebro durante unha enfermidade.

Traballar ou estudar moito cando se está doente é moi daniño para o ser humano. Realizar frecuentemente este hábito provocará unha diminución na eficacia deste órgano a longo prazo. Recoméndase descansar cando un está mal de saúde.

 

9. Ser solitario.

A cortiza prefrontal é máis grande canto maior é o número de amigos cos que contamos, segundo un estudo británico.

 

10. Non comer as cantidades adecuadas.

Tras estar a dieta actívanse xenes ligados á lonxevidade e ao bo funcionamento do cerebro.

 

*Información e imaxe extraídas de Actualidad RT.