Campaña de doazóns da Federación Española de Daño Cerebral.
FEDACE acaba de editar unha camiseta polo Día do Dano Cerebral coa que vai agasallar ás persoas que fagan unha doazón online de 15 euros. A Federación Española de Daño Cerebral lanzou campaña 'O teu pulo lévanos máis lonxe' co obxectivo de recadar fondos para o financiamento dos Encontros DCA, que se celebran no último trimestre do ano.
Donar é moi sinxelo: só hai que cubrir un pequeno
formulario online na páxina web de FEDACE indicando a cantidade que se quere aportar e enviar un correo electrónico ao enderezo
hola@fedace.org indicando a talla da camiseta e algúns datos máis para o envío. O seguinte paso será agardar a recibir a camiseta no enderezo indicado.
A camiseta é unha edición especial con motivo do Día do Dano Cerebral 2015, que se conmemora o 26 de outubro. O deseño, unha árbore que evoca un cerebro, coincide co do
cartel editado por FEDACE para dita conmemoración.
O destino da recadación obtida é contribuír ao financiamento dos
Encontros DCA que FEDACE organiza con motivo do seu
20 aniversario. Neles vaise reflexionar sobre a traxectoria do movemento asociativo do dano cerebral e sacar conclusións sobre como orientalo no futuro. Por iso FEDACE solicita a colaboración solidaria de todas as persoas que poidan facer unha aportación económica: co seu pulo van chegar máis lonxe.