IMPORTANTE: OS CENTROS DE DÍA PARA PERSOAS CON DISCAPACIDADE NON ABRIRÁN ATA SETEMBRO

Este mediodía a Xunta de Galicia fixo pública a decisión, aprobada hoxe mesmo en Consello de Goberno, de non autorizar a apertura dos Centros de día e ocupacionais até o mes de setembro. Esta é unha situación nova, imprevista e non desexada para nós polas evidentes consecuencias que ten para as persoas usuarias do noso centro e súas familias.

Este mediodía a Xunta de Galicia fixo pública a decisión, aprobada hoxe mesmo en Consello de Goberno, de non autorizar a apertura dos Centros de día e ocupacionais até o mes de setembro. Esta é unha situación nova, imprevista e non desexada para nós polas evidentes consecuencias que ten para as persoas usuarias do noso centro e súas familias.

Nas vindeiras horas esperamos poder ter máis información directamente dos responsables da Consellería de Política Social e sobre o alcance que a efectos prácticos terá na atención individual de cada persoa usuaria do Servizo de atención diúrna terapéutica e, e xeral, no funcionamento doutros servizos do centro e na apertura das instalacións.

Como informamos pola mañá, durante estas semanas o equipo de profesionais traballou para que a volta á actividade se fixera no momento en que as autoridades sanitarias o consideraran posible en base a criterios científicos e con todas as garantías. Realizouse traballo de formación, compra de equipos de protección, redeseño dos espazos para manter a distancia de seguridade etc e continuarase con este traballo nas vindeiras semanas. No enlace que acompañamos esta publicación pódese ler a referencia do Consello da Xunta. Moitas grazas a todas as persoas usuarias e familias polo esforzo feito ao longo destes meses.

https://www.xunta.gal/notas-de-prensa/-/nova/49297/feijoo-destaca-paquete-extraordinario-medidas-conciliacion-para-cun-investimento