Subscríbete ao noso boletín
Recibe novas no teu email
Persoas usuarias e profesionais da asociación insistiron na necesidade de prevención.
Persoas usuarias de Sarela -todas con dano cerebral adquirido por causa dun ictus-, familiares e profesionais levaron a campaña de información, sensibilización e prevención do ictus ao Hospital Clínico de Santiago.
O ictus é a principal causa do dano cerebral adquirido (nun 78% dos casos), polo que a súa detección e prevención é un dos obxectivos prioritarios de Sarela.
Unha vez ao mes membros da asociación desprázanse a un centro de saúde de Santiago para facer enquisas sobre o coñecemento dos síntomas do ictus e informar sobre as maneiras de minimizar o seu risco.
Esta mañá, tres persoas que pasaron pola experiencia do ictus e que teñen dano cerebral estiveron no Hospital Clínico, acompañadas de profesionais de Sarela.
A campaña tivo unha ampla repercusión nos medios informativos. Nesta ligazón pódese acceder á noticia difundida nos informativos da TVG.