Manifesto "Baixo o mesmo paraugas" con motivo do Día Internacional das Persoas con Discapacidade

03/12/2020

Hoxe, como cada 3 de decembro, máis de 80 entidades de toda Galicia unímonos para conmemorar o Día Internacional das Persoas con Discapacidade baixo nosa iniciativa “Baixo o mesmo paraugas”, para poñer en primeiro lugar os dereitos de todas as persoas e defender que a diversidade é un valor crave na sociedade. Este é o manifesto que deberiamos ter lido na Praza do Obradoiro e que, debido á pandemia, sustituimos por unha lectura a distancia.

 

SEGUE ESTE ENLACE PARA VER O VÍDEO GRAVADO POR REPRESENTANTES DAS ENTIDADES ORGANIZADORAS DE SANTIAGO DE COMPOSTELA 

 

MANIFESTO "BAIXO O MESMO PARAUGAS"

 

Hoxe, como cada 3 de decembro, unímonos para conmemorar o Día Internacional das Persoas con Discapacidade baixo nosa iniciativa “Baixo o mesmo paraugas”, para poñer en primeiro lugar os dereitos de todas as persoas e defender que a diversidade é un valor crave na sociedade.

 

Xa pasaron cinco anos desde que abrimos os nosos paraugas de cores por primeira vez, e en todo este tempo conseguimos chegar a todas as provincias galegas, unindo a miles de persoas e a máis de 80 entidades sociais da Coruña, Pontevedra, Vigo, Santiago, Lugo e Ourense. O paraugas é o noso símbolo para mostrar que compartimos un mesmo desexo: lograr un mundo sen discriminacións, sen barreiras, con oportunidades para todas as persoas.

 

Pero este ano non podemos levar os nosos paraugas ás rúas. A emerxencia sanitaria pola COVID-19 provocou un enorme impacto sanitario, social e económico a todos os niveis, cambiando por completo as nosas vidas. E ese impacto foi aínda maior para as persoas con discapacidade, familias e entidades sociais, que vimos como a pandemia poñía en perigo moitos dos logros alcanzados ata o de agora e mesmo a propia supervivencia de moitas organizacións. Tamén nos impediu prestar servizo nos meses de confinamento nalgúns servizos.

 

Pero se algo define o noso gran movemento é a enorme capacidade para superarnos, para afrontar calquera dificultade.

 

E nun día como o de hoxe queremos seguir esixindo ás administracións públicas o seu compromiso firme e claro coas persoas con discapacidade e que veña da man dun incremento de apoio social e económico. Gustaríanos tamén seguir contando co apoio da cidadanía e do sector privado a través da responsabilidade social das empresas.

 

A pandemia mostrou dificultades na coordinación real entre os sistemas sanitarios, educativos e sociais, e por iso demandamos que esa coordinación sexa real para garantir unha resposta rápida e eficaz ás necesidades das persoas con discapacidade e das nosas familias, xa que moitas asumiron en soidade os coidados durante a etapa do confinamento.

 

Unha crise sanitaria e económica non pode ter como consecuencia unha crise de dereitos. Seguimos demandando o noso dereito a ter unha vida independente, a unha educación inclusiva de verdade, con todos os apoios que podamos necesitar, e poder acceder ao mercado laboral en condicións de igualdade, máis agora nesta complicada situación que estamos a atravesar.

 

Debe garantirse o apoio ás entidades sociais que durante esta emerxencia social están á beira das persoas con discapacidade e das nosas familias. O peche de moitos centros durante estes últimos meses e a falta de terapias e tratamentos supuxeron unha gran deterioración física e cognitivo para moitas persoas.

 

Queremos que se recoñeza o valor das iniciativas sociais.

Sabemos que a situación é difícil, pero si hai algo que nos move é a ilusión e a esperanza de que sairemos adiante co apoio de toda a cidadanía, dos movementos sociais, das administracións e organismos públicos e privados… de tantas persoas que hoxe abren o seu paraugas connosco para esixir o noso dereito a ser felices.

 

Os cambios poden ser reais si contamos con todos vós, co respaldo dunha sociedade unida polos valores do respecto e a igualdade.

 

Moitas grazas!!

Categorías: Discapacidade

USO DE COOKIES

Utilizamos cookies propias e de terceiros para mellorar a súa experiencia e os nosos servizos, así como mostrarlle, desde o noso sitio web ou os de terceiros, publicidade baseada na análise dos seus hábitos de navegación. Se pulsa en aceptar, consideramos que admite o seu uso.
Pode obter máis información na nosa Política de Cookies.

Máis información