Masterclass online para persoas coidadoras o 27 de xaneiro

UNIR Cuidadores, entidade impulsada pola Universidade Internacional de La Rioja que, entre outros proxectos, desenvolve actividades de formación para coidadores de persoas con discapacidade; celebrará o próximo 27 de xaneiro ás 17:00 hh unha masterclass que levará por título 'Coñecendo o Dano Cerebral Adquirido e estratexias de manexo no funcionamento diario'. A masterclass é unha clase que se realiza online e en directo, con formato audiovisual e na que se pode interactuar co profesorado enviando preguntas e comentarios.

 

Esta clase será realizada por Dolors Safont, psicóloga especialista en psicoloxía clínica e neuropsicoloxía; docente externa no Máster de Psicopatoloxía, Saúde e Neuropsicoloxía da Universidade Jaume I de Castelló. Safont tamén traballa desde 2001 na rede de recursos asistenciais da Fundación de Dano Cerebral Ateneu Castelló, que ofrece atención a persoas con DCA e ás súas familias.

 

O curso está dirixido a calquera persoa que se dedique ou qu estea interesada na atención formal ou informal ás persoas con dano cerebral. Ao longo do mesmo falarase de que é o dano cerebral, das súas secuelas, de estratexias para o coidado diario e do apoio no proceso rehabilitador; e incluirá unha reflexión sobre a importancia de coidarse a un mesmo como coidador. A matrícula para participar na clase pódese realizar na web de UNIR Cuidadores e ten un prezo de 15 euros. 

 

Esta masterclass é o primeiro froito da colaboración entre UNIR Cuidadores e FEDACE; a partir dun convenio asinado recentemente, polo que ambas entidades traballarán xuntas en proxectos de formación e apoio para coidadores de persoas con DCA.

 

Información extraída da páxina web de FEDACE e fotografía recollida de Pixabay con licenza CC0 Public Domain.