O 72,64% das persoas con DCA teñen dificultade para traballar

18/12/2016

A Fundación Once elaborou xunto ao Fondo Social Europeo un estudo sobre dano cerebral e inserción laboral. O obxectivo do estudo foi establecer un diagnóstico da situación laboral das persoas con Dano Cerebral Adquirido, identificando barreiras e facilitadores, oportunidades de emprego e exemplos de boas prácticas.

A Fundación ONCE elaborou xunto ao Fondo Social Europeo un estudo sobre dano cerebral e inserción laboral. O estudo foi presentado o venres 16 de decembro no Centro Estatal de Atención ao Dano Cerebral (CEADAC) coa presenza de Carmen Balfagón, Directora Xeral do Imserso; José Luís Martínez Donoso, Director Xeral de Fundación ONCE; Luciano Fernández Pintor, presidente de FEDACE; e Inmaculada Gómez Pastor, Directora-Xerente do CEADAC. Intersocial, a entidade que realizou o estudo, presentou a súa metodoloxía e resultados na xornada 'Mellor, informados: a inserción laboral das persoas con DCA'. O obxectivo do estudo foi establecer un diagnóstico da situación laboral das persoas con Dano Cerebral Adquirido, identificando barreiras e facilitadores, oportunidades de emprego e exemplos de boas prácticas.

As persoas con DCA en idade laboral en España ascenden a 80.224. Realizáronse enquisas a 400 destas persoas, cunha media de idade de 46 anos. O 42,8% das persoas con DCA atópase xubilada ou prexubilada por incapacidade para traballar; o 23% atópase buscando traballo e o 13,53% traballa. A idade resulta un factor importante na actividade laboral: o 61,97% das persoas de 16 a 32 anos con DCA enquisadas atópanse activas, mentres que só o 14,56% das maiores de 50 anos están traballando ou buscando emprego. Por outra banda, o tipo de lesión parece ser un condicionante da actividade laboral. As persoas con traumatismo cranioencefálico manteñen unha taxa de actividade máis alta (45,52%); taxa que se pode explicar porque este tipo de lesións afectan a persoas que son un promedio de 10 anos máis novas que quen presentan outras lesións.

A irrupción do Dano Cerebral Adquirido nas vidas das persoas enquisadas transforma os seus proxectos laborais. Trala lesión, a actividade laboral redúcese ata en 35 puntos porcentuais e o feito de que haxa secuelas significa que o 59,10% destas persoas xa non traballen nin busquen emprego. No 18,21% dos casos si que buscan emprego, pero nunha ocupación diferente. O 72,54% sinala atopar dificultades extraordinarias para atopar emprego; poucas persoas recibiron os apoios necesarios para iso. En resumo, a maioría das persoas con DCA perciben que a súa calidade de vida deteriorouse a partir da lesión.

A partir dos resultados do estudo, FEDACE presentou un modelo de intervención para mellorar o acceso ao emprego das persoas con Dano Cerebral Adquirido. Para iso, a federación propón intervir no ámbito da rehabilitación funcional e no da empresa poñendo en primeiro plano as actuacións coas persoas con DCA para a promoción de itinerarios de integración adaptados ás súas capacidades e expectativas.

O proceso de volta ao emprego debe comezar desde unha rehabilitación ocupacional nas 8 primeiras semanas trala lesión, o que require un despregue de recursos amplo e interdisciplinar. Neste proceso deberíase de priorizar á empresa na que se traballou antes da lesión para realizar a volta ao emprego e habilitar controis especiais contra o risco de fracaso que inclúan a adaptación do posto ás capacidades funcionais.

*Información e imaxe da presentación extraídas da páxina web de  FEDACE e FEGADACE

Categorías: Dano Cerebral Adqurido
Compartir en:

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar todas Configurar Cookies Más información