O I Festival moteiro The Juanted apoia a Sarela

Os días 19 e 20 de xuño os moteiros e moteiras de toda Galicia teñen unha cita en Ordes no I Festival The Juanted. Este encontro conta cun amplo programa de actividades e un fin solidario: a recadación vaise destinar a Aspace (Asociación de Parálise Cerebral) e á Asociación de Dano Cerebral de Compostela Sarela. A actividade está organiza por Os cilindros solidarios das motos.

 

O programa comeza o venres, 19 de xuño, cunha cea de benvida e concertos. O sábado 20 de xuño as actividades inícianse de mañá. Ás 12:30 está prevista unha actividade de slalom de obstáculos en cadeira de todas para participaren os membros de Aspace, Sarela, e calquera outra persoa con discapacidade que se queira achegar.

 

Pola tarde haberá un campionato de karting, unha saída da Ruta en Moto pola comarca de Ordes, unha cea e concertos. Todas as actividades serán no campo da feira de Ordes.

 

Existen diferentes prezos e modalidades de inscrición que se poden consultar no cartel do festival.

 

Sarela agradece a implicación solidaria do I Festival The Juanted e aproveita a cita para sensibilizar sobre a prevención do dano cerebral adquirido. Os accidentes de tráfico son a segunda das causas do DCA, polo que fomentar unha condución responsábel é unha prioridade para Sarela.