• servizos sarela 795x180

Noticias

Sarela reclama para 35.000 persoas en Galicia unha estratexia de atención ao DCA que lles garanta vivir con calidade

Sarela reclama para 35.000 persoas en Galicia unha estratexia de atención ao DCA que lles garanta vivir con calidade

Foto ao remate da marcha facendo o xesto do DCA

  • Esta mañá, con motivo da celebración do Día do Dano Cerebral, organizou unha marcha en Santiago para dar visibilidade ao colectivo. Rematou na Praza do Obradoiro onde persoas con dano cerebral e familiares leron o manifesto reivindicativo.
  • Hoxe o DCA é a primeira causa de discapacidade e dependencia en España.FEDACE estima que 420.000 persoas (35.000 en Galicia) teñen esta discapacidade e cada ano danse 104.000 novos casos, dos que case 7.000 son galegos/as.
  • O movemento asociativo do DCA reclama no seu manifesto medidas para garantir a continuidade asistencial unha vez estas persoas con DCA saen do hospital e evitar o desamparo.
  • O DCA é a lesión repentinano cerebro producida por causas tan diferentes como o ictus (case o 78% dos casos), traumatismoscranioencefálicos, tumores cerebrais, enfermidades infecciosas e outras causas. Hoxe o 65% das persoas con DCA teñen máis de 65 anos.

 

Como cada 26 de outubro Sarela celebra hoxe o Día do Dano Cerebral Adquirido con varias actividades para sensibilizar, reivindicar e dar visibilidade a esta discapacidade. O DCA xa é a primeira causa de discapacidade e dependencia en España.  FEDACE (Federación Española de Dano Cerebral) estima que 420.000 persoas(35.000 no caso de Galicia) viven con esta discapacidade e cada ano danse 104.000 novos casos, dos que case 7.000 son galegos/as.

O acto principalde celebración foi unha camiñada pola cidade vella de Santiago na que participaron unhas 100 persoas entre persoas con DCA, familiares, amigos/as da asociación así como representantes dos grupos políticos do Concello.

Persoas con DCA e familiares leron o manifesto reivindicativo

 

Ao remate da marcha, na Praza do Obradoiro, leuse o manifesto redactado polo movemento asociativo para toda España e que se organiza en FEDACE. Despoisdos agradecementos trasladados por José Balboa, presidentedeSarela, un grupo de persoas con DCA e familiarespuxeron voz e rostro aos principais problemas e reclamacións do colectivo coa súalectura.

 

Este ano o título do manifesto é“Persoas con DCA e súas familias: realidades invisibles” e nel púxose o foco nos problemas que as persoas con DCA se atopan unha vez saen do hospital.

Como di o comezo do manifesto o Dano Cerebral chega sen avisar e cambia oproxecto de vida desas persoas.“Ese momento é crítico: estas persoas, que aínda son visibles, conseguen salvar a súa vida grazas aos avances no ámbito sanitario. Salvar unha vida é un logro excepcional. Pero esta vida salvada, na maioría dos casos, abandona o hospital para ser invisible”.

 

É por iso que o movemento asociativo reclama neste 2018novamente implantar unha Estratexia Nacional do DCA. Esta consiste esencialmente en deseñar e implantar todas as medidas que garantan a máximacalidadedevida para cada persoa e, e isto é fundamental, que se execute de forma coordinada entre todas as administracións e ámbitos asistenciais implicados (sanitario e social).

 

O segundo punto clave do manifesto é a reclamación, non atendida até hoxe, de crear a categoría diagnósticaDano Cerebral Adquirido. Estacategoría ou código, de existir como é noutras patoloxías, permitiría detectar desde o comezo as necesidades e criterios de rehabilitación e garantir a continuidadeasistencial. Dicíndoo doutro xeito, permitiría protocolarizar os pasos a dar na atención unha vez a persoa sae do hospital e facilitaría crear un censo real de persoas con esta discapacidade.

 

Precisamente este é outra das reivindicacións deste ano: a creación dun censo de persoas con DCA. Antes indicabamos que en Galicia hai unha 35.000 persoas con dano cerebral pero esta é unha aproximación que se fai en base a datos dos hospitais de patoloxías asociadas ao DCA como pode ser o ictus. Crear un censo permitirá dimensionar os recursos asistencias en base á demanda real e garantir a continuidade asistencial nas distintas etapas vitais da persoa e da familia.

O último obxectivo do manifesto pide que a familia estea no centro do proceso de atención. Son coidadoras e coidadores que tamén precisan información, atención e apoio psicolóxico. 

 

Unha discapacidade invisible

 

Como se di anteriormente, segundo o estudio que realizou FEDACE (Federación Española de Dano Cerebral) en 2015 en España viven 420.000 persoas con DCA e cada ano danse 104.000 novos casos. En Galicia esas cifras son de máis de 35.000 persoas e case 7.000 novos casos cada ano.

 

Estímase que até nun 89% dos casos de dano cerebral se producen secuelas que provocan dependencia. Aínda que se dan problemas físicos, a maior parte das secuelas teñen que ver con problemas de memoria, problemas de comunicación, alteracións da conduta, alteracións emocionais, estados prolongados de comaetc. Son secuelas invisibles, que non se perciben a primeira vista e que, a ollos de quen non coñece o DCA, resultan difíciles de entender.

 

Outras actividades de Sarela

 

Hoxe Sarela tamén organizou outras actividades como foi a instalación no Hospital Clínico, no Hospital do Barbanza e no centro de saúde da Estrada de mesas informativas. Ao longo da mañá usuarias/as dos servizos da asociación, persoas asociadas, voluntarios e profesionais deron a coñecer o Dano Cerebral Adquirido, pautas para a súa prevención así como o labor de Sarela.

 

Categorías: Sarela

USO DE COOKIES

Utilizamos cookies propios e de terceiros para mellorar a súa experiencia e os nosos servizos, asi como para mostrarlle no noso website, ou nos de terceiros, publicidade baseada na análise dos seus hábitos de navegación. Se continúa a navegar, consideramos que acepta o seu uso.
Pode obter mais información na nosa Política de Cookies.