• servizos sarela 795x180

Noticias

Sarela únese á rede do Pacto Mundial das Nacións Unidas

Sarela únese á rede do Pacto Mundial das Nacións Unidas
O Pacto Mundial (ou Global Compact) das Nacións Unidas é unha iniciativa que promove implantar na actividade empresarial dez principios éticos relacionados cos dereitos humanos, as normas laborais, o medio ambiente e a loita contra a corrupción.
 
O Pacto Mundial conta con máis de 10.000 entidades preocupadas pola responsabilidade social empresarial. Hai pemes, grandes empresas, asociacións empresariais, fundacións e entidades do terceiro sector. Sarela incorporouse este ano, presentou o seu vínculo coa entidade dependente da ONU durante as actividades polo Día do Dano Cerebral, e pasa a engrosar a rede do Pacto Mundial en España.
 
O obxectivo de facer parte do Pacto Mundial é contribuír a estender a conciencia social no entramado empresarial, insistindo na necesidade das prácticas de responsabilidade por parte das corporacións. 
 
Máis en concreto, Sarela pretende dinamizar o proxecto Construíndo Futuro, que reúne ás persoas usuarias máis novas da asociación. En concreto, trátase dun colectivo de persoas novas con dano cerebral que teñen superada a fase da rehabilitación, e que precisan, para continuar o seu proceso de inclusión social, un pequeno apoio para a inserción laboral.
 

Os Dez Principios do Pacto Mundial

 
Os Dez Principios do Pacto Mundial están baseados en Declaracións e Convenciones Universais aplicadas en catro áreas:
 
a) Dereitos Humanos:
 
Principio 1: As empresas deben apoiar e respectar a protección dos dereitos humanos fundamentais recoñecidos universalmente, dentro do seu ámbito de influencia.
 
Principio 2: As compañías deben asegurarse de que as súas empresas non son cómplices da vulneración dos dereitos humanos.
 
b) Estándares Laborais:
 
Principio 3: As empresas deben apoiar a liberdade de asociación e o recoñecemento efectivo do dereito á negociación colectiva.
 
Principio 4: As empresas deben apoiar a eliminación de toda forma de traballo forzoso ou realizado baixo coacción.
 
Principio 5: As empresas deben apoiar a erradicación do traballo infantil.
 
Principio 6: As empresas deben apoiar a abolición das prácticas de discriminación no emprego e ocupación.
 
c) Medio Ambiente:
 
Principio 7: As empresas deberán manter un enfoque preventivo que favoreza o medio ambiente.
 
Principio 8: As empresas deben fomentar as iniciativas que promovan unha maior responsabilidade ambiental.
 
Principio 9: As empresas deben favorecer o desenvolvemento e a difusión das tecnoloxías respetuosas co medio ambiente.
 
d) Anticorrupción:
 
Principio 10: As empresas deben traballar en contra da corrupción en todas as súas formas, incluídas a extorsión e o suborno.
 
Categorías: Sarela

USO DE COOKIES

Utilizamos cookies propios e de terceiros para mellorar a súa experiencia e os nosos servizos, asi como para mostrarlle no noso website, ou nos de terceiros, publicidade baseada na análise dos seus hábitos de navegación. Se continúa a navegar, consideramos que acepta o seu uso.
Pode obter mais información na nosa Política de Cookies.