Sete aplicacións para conducir mellor

A organización do festival The Juanted das Motos decidiu destinar a Sarela unha parte dos seus beneficios. Con esta acción queren colaborar cunha causa solidaria, e tamén lembrar a todas as persoas participantes na festa, que inclúe saídas en moto, que a seguridade viaria é fundamental para previr o dano cerebral adquirido.

 

Sarela agradece o esforzo solidario, e tamén o traballo de sensibilización para a prevención de accidentes de tráfico, que son a segunda causa do DCA.

 

Reprodúcese a continuación unha lista de aplicacións útiles para a condución segura recollida da páxina web de FEDACE:

 

Seguridad Vial RACE

 

A aplicación do RACE é unha das máis completas que atopamos e das que máis aporta de face á seguridade viaria, principal obxectivo do desenvolvedor. Con Seguridad Vial RACE é posible calcular unha ruta en estrada, indicando as incidencias que nos atoparemos no camiño; podendo ademais acceder ás imaxes que ofrecen as cámaras da DGT, o Concello de Madrid, a dirección de Tráfico do País Vasco e as do Servei de Trànsit.

 

A través desta app é posible consultar as alertas meteorolóxicas de risco para a condución; baseadas en información da Axencia Estatal de Meteorología.

 

Pero, sen dúbida, o seu elemento diferenciador son os vídeos de formación en Seguridade Viaria. Con eles poderemos coñecer todos os aspectos relacionados co mantemento, a condución e a seguridade do noso vehículo: montar cadeas, cambio de rodas, ubicación de cadeiras infantís...

 

Descarga

 

Bicis y cascos

 

Aplicación da Fundación MAPFRE orientada aos máis pequenos, para ensinarlles a circular en bicicleta de forma segura. A app contén dous xogos e un simulador. 'Toca la señal' e 'Rompecabici' son xogos para aprender os sinais de tráfico e as partes dunha bicicleta. 'Un paseo seguro en bici' é un simulador co que circularemos en bicicleta pola cidade para aplicar o aprendido.

 

Descarga

 

Julia, Pato y el Espía

 

Outra app da Fundación MAPFRE, dirixida a peóns de entre 6 e 8 anos, para ensinarlles educación viaria a través dun conto ilustrado.

 

Descarga

 

iParking. ¿Dónde he aparcado?

 

Tan simple como xeolocalizar a ubicación do teu coche para recordar daquela onde o aparcaches.

 

Descarga

 

Gasolineras España

 

A aplicación mostra gasolineiras preto da túa ubicación nun mapa; aínda que tamén pode listalas segundo prezo ou distancia. Ademais, conta cun histórico de prezos en cada gasolineira para coñecer a evolución dos mesmos e elixir o mellor día para encher.

 

Descarga

 

Dirección General de Tráfico

 

Coa aplicación da DGT a información oficial sobre o estado do tráfico sempre estará a primeira man e recibiremos notificacións cando haxa incidencias graves. A app facilita crear rutas nas que se indican estas incidencias. Ten un acceso directo ao teléfono de urxencias; 112.

 

Descarga

 

Waze

 

Waze é outra aplicación de para planificar rutas segundo o tráfico, pero cunha particularidade: en Waze son os propios usuarios os que comparten información sobre o estado das estradas e a aplicación actualiza esta información e as rutas en tempo real.

 

Descarga