Está previsto que fagan prácticas en Sarela.
O grupo foi recibido pola traballadora social da asociación de dano cerebral, Eugenia Veloso, que lles explicou en que consiste o labor da asociación, os seus obxectivos, e as particularidades do DCA. A continuación, o auxiliar Álvaro Suárez guiou ás estudantes por cada sala. Explicoulles como é un día en Sarela, centrándose nas características e utilidades dos espazos. Durante o percurso tiveron a oportunidade de saudar ás persoas usuarias da asociación.
Está previsto que este ciclo formativo envíe estudantes en prácticas á asociación de dano cerebral, onde complementarán os seus coñecementos teóricos coa realidade do día a día coas persoas con DCA.
Estudantes do CIFP Compostela achéganse ao comedor para saudar ás persoas usuarias.
O alumnado de Atención a persoas en situación de dependencia oíndo as explicacións de Álvaro Suárez.