Subscríbete ao noso boletín
Recibe novas no teu email
Outra vantaxe de tomala de maneira regular.
A deficiencia de vitamina C debe ser considerada un factor de risco para os accidentes cerebrovasculares.
Unha investigación presentada na reunión anual da American Academy of Neurology mostra que o risco de accidente cerebrovascular hemorráxico é menor entre as persoas que teñen niveis normais de vitamina C en sangue que entre as persoas con baixos niveis desta vitamina.
Na investigación participaron 65 persoas que sufriran un ictus hemorráxico, máis mortal e raro que o ictus isquémico, e 65 persoas sas. A todas elas medíronselles os niveis de vitamina C en sangue, e observouse que un 45% tiñan niveis normais de vitamina C e outro 45% tiñan niveis baixos, destes últimos o 14% tiña deficiencias reais nos niveis en sangue desta vitamina.
En xeral, atopouse que os individuos con niveis baixos ou deficiencias de vitamina C eran os mesmos que sufriran un accidente cerebrovascular, en comparación con aqueles que tiñan niveis altos de vitamina C.
A deficiencia de vitamina C tamén pode provocar anemia, baixa capacidade para combater infeccións e curar as feridas, xinxivite, sangrado nasal e dor nas articulacións.
A dose recomendada de vitamina C para os homes adultos é de 90 mg/día e de 75 mg/día para as mulleres adultas. A vitamina C atópase de forma natural en moitas froitas e verduras como laranxas, papaias, pementos, brócoli ou fresas.
*Información e imaxe extraídas do blog Salud Hoy.