Noticias

Minerva García fixo a entrega simbólica desta doazón a Concha Otero, vicepresidenta de Sarela. A cuarta edición desta travesía a nado na ría de Arousa celebrouse o 31 de xullo. A iniciativa naceu en 2015 grazas a Manuel Martínez “O Nacho”, unha persoa con DCA, que busca darlle visibilidade a esta discapacidade.

O director do hotel OCA Puerta del Camino, Lalo Crespo, tamén fixo entrega esta mañá da recadación de 656,00 euros acadada no acendido solidario realizado nas instalacións do establecemento en Nadal, a Sarela, Asociación de Dano Cerebral de Compostela, representada pola súa vicepresidenta, Concha Otero, e o secretario, Luciano Fernández Pintor.

Todas as persoas que formamos Sarela, persoas socias, xunta directiva, profesionais e persoas voluntarias, queremos desexarvos unhas felices festas e unha boa entrada de ano. Con motivo destas celebracións, o centro de Sarela estará pechado desde o día 24 de decembro até o 9 de xaneiro, ambos incluídos. O luns 10 de xaneiro os servizos retomarán a súa actividade con normalidade.

Hoxe presentouse a iniciativa de OCA Hotels na que participaron Lalo Crespo, director do Oca Puerta del Camino, e Luciano Fernández, secretario de Sarela. As luces do Nadal acenderanse no hotel o 2 de decembro, a partir das 18:00 horas. Haberá animación infantil, música e chocolate con churros. O donativo de 4€ será entregado integramente a Sarela.

O xoves 2 de decembro, na véspera do Día Internacional das Persoas con Discapacidade, ás 18:00 h. realizarán o acendido das luces de Nadal do hotel con actividades e música para nenos e nenas e chocolate con churros para todas as persoas asistentes. A recadación deste ano será doada a Sarela.

Unha das accións que todas as entidades do movemento asociativo do Dano Cerebral impulsan con motivo do Día do DCA é a iluminación en azul de edificios e monumentos representativos de cada municipio. Un ano máis Concello e Xunta de Galicia deron visibilidade a esta discapacidade colaborando coa actividade e á que se sumaron concellos da área sanitaria. En Santiago ilumináronse o Pazo de Raxoi, a sede da Xunta de Galicia e a Cidade da Cultura.

Sarela celebra o Día do Dano Cerebral Adquirido reclamando rehabilitación especializada para todas as persoas con esta discapacidade. Recuperou, suspendidas o ano pasado pola pandemia, a andaina pola cidade vella de Santiago e a lectura pública do manifesto do movemento asociativo na Praza do Obradoiro. Persoas con DCA leron o manifesto no que se fai fincapé, entre outras prioridades, na necesidade garantir o acceso universal á rehabilitación especializada de todas as persoas e familias.

Este é o manifesto que as 46 entidades que forman parte de FEDACE (Federación Española de Daño Cerebral) leron simultaneamente hoxe, 26 de outubro, con motivo do Día do Dano Cerebral. Nel resúmense as principais reivindicacións do movemento asociativo e que este ano se centraron na reclamación dunha rehabilitación especializada para todas as persoas con DCA. Tamén podes lelo en versión de lectura fácil.