Noticias

Esta semana Sarela celebrou a primeira mesa de traballo de cara á elaboración do terceiro Plan estratéxico da entidade. O proceso para a súa redacción é participativo e nel interveñen persoas con Dano Cerebral, familiares, membros da Xunta Directiva e profesionais da entidade.

O alcalde de Santiago, Xosé Sánchez Bugallo e o presidente de Sarela José Balboa (primeiro pola esquerda na imaxe) asinaron o novo convenio para a realización de terapia acuática e unha nova actividade lúdica en balneario. A colaboración da Concellaría de Políticas Sociais é de 3.000 euros.

O importe da axuda é de 16.000 euros e concedeuse ao abeiro da Orde de 29 de decembro de 2021 pola que se convocaban, en réxime de concorrencia competitiva, as subvencións para entidades privadas sen ánimo de lucro para a realización de programas de carácter sociosanitario en 2022.

A Deputación da Coruña concedeu a Sarela unha subvención de 33.000 euros dentro do “Programa FOCVAA: convocatoria do programa de subvencións a entidades sen fins de lucro para o mantemento de programas sociosanitarios durante o ano 2022”. A resolución foi publicada no BOP do 26 de maio. Esta subvención afianza o Servizo de información, orientación e apoio a familias que é un elemento fundamental e gratuíto para as persoas e familias con DCA.

A Concellaría de Políticas Sociais subvencionará dúas actividades para persoas usuarias do Servizo de Atención Diúrna Terapéutica: a realización de terapia acuática na piscina accesible de Sarela e unha nova actividade lúdica de balneario. A Xunta de Goberno Local do Concello de Santiago aprobou este convenio por valor de 3.000 euros na súa sesión de 16 de maio.

Desde hoxe e ata o 2 de maio está aberto o prazo para solicitar as axudas individuais do Concello de Santiago para uso do taxi como medio alternativo para as persoas con dificultades de mobilidade, ou que presentan limitacións para o uso do transporte colectivo. Cobren os gastos realizados desde o 1 de xaneiro ata o 30 de setembro de 2022. As persoas solicitantes deben estar empadroados e residir en Santiago.

O proxecto está impulsado por FEGADACE, a Asociación Arousaman e o nadador Aitor de Luis do colectivo Batalla de Rande para a promoción do deporte acuático na abordaxe do dano cerebral, e para a organización dunha travesía a nado solidaria.

Sarela continuou, no primeiro trimestre de ano, co programa Stop Fenda Dixital. Promovido por FEGADACE, está a desenvolverse nas cinco entidades galegas de dano cerebral.