Subscríbete ao noso boletín
Recibe novas no teu email
Minerva García fixo a entrega simbólica desta doazón a Concha Otero, vicepresidenta de Sarela. A quinta edición desta travesía a nado na ría de Arousa celebrouse o 29 de xullo. A iniciativa naceu en 2015 grazas a Manuel Martínez “O Nacho”, unha persoa con DCA, que busca darlle visibilidade a esta discapacidade.
Esta mañá Sarela recibiu a visita do presidente da Xunta de Galicia, Alfonso Rueda, e da conselleira de Política Social e Xuventude, Fabiola García, para coñecer os servizos de atención especializada en dano cerebral e escoitar as propostas tanto das persoas usuarias como da xunta directiva. Sarela transmitiu a necesidade de situar ao DCA no centro das políticas públicas sobre discapacidade (de sanidade, servizos sociais, emprego etc) dada a súa dimensión social.
Tras décadas de reivindicación e traballo da sociedade civil, encabezada polo Comité Español de Representantes de Persoas con Discapacidade (CERMI), o Congreso dos Deputados aprobou o xoves 18 a reforma do artigo 49 da Constitución para substituír a palabra “diminuídos” pola expresión “persoas con discapacidade”. A reforma non é só un cambio lingüístico pois implica unha mudanza no enfoque da discapacidade na Carta Magna. Hoxe a reforma foi aprobada no Senado e entrará en vigor cando sexa publicado no BOE.
Os e as protagonistas volven ser persoas usuarias dos nosos servizos e este ano chaman a atención sobre o seu dereito á accesibilidade cognitiva. En 2024 Sarela traballará este tema ao consideralo imprescindible para que as persoas con discapacidade, e especialmente con Dano Cerebral, teñan semellantes condicións e oportunidades para desenvolverse plenamente en sociedade.
A Xunta de Galicia presentou onte o novo Proceso Asistencial Integrado (PAI) do dano cerebral adquirido (DCA) tras ano e medio de traballo dun grupo multidisciplinar conformado por profesionais das sete áreas sanitarias, especialistas de diversos campos e integrantes do terceiro sector. A Federación Galega de Dano Cerebral (FEGADACE) participou no proceso a través da súa directora, Begoña Hermida, e de Rocío García, directora de Sarela.
Persoas usuarias do Servizo de atención diúrna terapéutica tamén fixeron a lectura no centro de Sarela. No Hospital Clínico de Santiago tamén atendemos unha mesa informativa á que se sumaron profesionais deste centro sanitario.
Esta mañá Sarela recibiu a visita do conselleiro de Sanidade da Xunta de Galicia, Julio García Comesaña, da xerente da Área sanitaria de Santiago e Barbanza, Eloína Núñez, e do delegado da Xunta de Galicia na Coruña, Gonzalo Trenor. Este encontro celebrouse no contexto de celebración este xoves 26 do Día Nacional do Dano Cerebral Adquirido.
O pasado 29 de xullo celebrouse a quinta edición da Arousaman-Arousawoman, a travesía a nado entre O Grove e Ribeira, e na que Sarela colabora para dar visibilidade ao DCA. Persoas socias da entidade e da xunta directiva estiveron presentes como voluntarias na saída e chegada da proba que reuniu a máis de corenta nadadores e nadadores. A raíz desta colaboración xurdiu a posibilidade de nadar na XI Travesía O Fisgón de Moaña.