Subscríbete ao noso boletín
Recibe novas no teu email
A Xunta de Galicia aprobou as medidas específicas a aplicar nos centros de día de cara á súa apertura nas zonas con restriccións. Marca normas en función do que denominan nivel de risco. Este mediodía Sarela soubo que Santiago está cualificado como risco alto e estase a traballar nese escenario. Prevemos que o noso servizo estea funcionando martes ou mércores da semana vindeira unha vez se comunique a nova situación ás familias e se active o servizo de transporte.
Sarela comunica que, atendendo ás medidas de prevención como consecuencia da evolución da situación epidemiolóxica derivada da COVID-19 no concello de Santiago de Compostela decretadas pola Xunta de Galicia, o Servizo de Atención Diúrna Terapéutica permanecerá pechado até novo aviso.
Hoxe abriu, despois de case seis meses pechado, o Servizo de Atención Diúrna Terapéutica (SADT). Foi unha mañá de reencontros, de poñer en práctica o estrito protocolo de seguridade sanitaria do que se dotou Sarela e de comezar a avaliar o funcionamento do centro de día de cara aos próximos meses.
Como informamos o pasado día 16, a Xunta directiva de Sarela acordou non abrir o centro de día de Sarela até o 1 de setembro despois de analizar as necesidades das familias e os condicionamentos existentes. Sen embargo, as persoas usuarias deste servizo están a recibir as terapias individuais de rehabilitación e comezaron a desfrutar dun novo programa de saídas de lecer para recuperar o contacto persoal e familiarizarse, con experiencias reais, coas normas de seguridade sanitaria.
A Xunta directiva de Sarela acordou en reunión do luns 13 de xullo, xunto coa Dirección e o Equipo técnico, a reapertura do centro de día (Servizo de atención diúrna terapéutica) para o 1 de setembro, coincidindo co reinicio tamén do servizo de transporte coa mesma empresa que o viña prestando.
Hoxe Sarela comezou a súa actividade no centro. Pode pedir cita previa no teléfono 981 577 037 en horario de 9:30 a 17:30 ou no correl electrónico sarela@sarela.org. É imprescindible atender ás indicación e protocolos de seguridade para o acceso.
Como xa informamos anteriormente, e á espera de ter a autorización administrativa, o equipo de dirección e profesionais de Sarela levan semanas preparando o centro para a súa reapertura para a atención directa. Xa se pode pedir cita previa no teléfono 981 577 037 en horario de 9:30 a 17:30 e é imprescindible atender ás indicación e protocolos de seguridade para o acceso ao centro.
Nas últimas horas tivemos a confirmación de que nas próximas semanas Sarela poderá abrir o seu centro para continuar con parte dos seus servizos, nomeadamente de rehabilitación, sempre coas máximas garantías de seguridade para as persoas. O vindeiro luns, 8 de xuño, esperamos concretar máis a información e se o desexas podes chamar ao noso centro [981 577 037] no seu horario habitual de 9:30 a 17:30.