Novas

Como cada 26 de outubro Sarela celebra hoxe o Día do Dano Cerebral Adquirido con varias actividades para sensibilizar, reivindicar e dar visibilidade a esta discapacidade. O acto principal foi unha camiñada pola cidade vella de Santiago na que participaron unhas 100 persoas entre persoas con DCA, familiares, amigos/as da asociación así como representantes dos grupos políticos do Concello.

Este xoves, como cada 26 de outubro desde hai 10 anos, conmemórase o Día do Dano Cerebral Adquirido. Un ano máis Sarela, como o resto de entidades do movemento asociativo do DCA, organiza actividades co obxectivo de celebrar este día pero sobre todo para poñer o foco nas dificultades que a día de hoxe teñen as persoas con DCA para acceder a unha rehabilitación axeitada, garantir a calidade de vida, procurar a súa inclusión social e apoiar ás familias.

O Servizo de Atención Diúrna Ocupacional de Sarela comezou a súa andaina en novembro de 2016. Estes meses desde a súa posta en marcha implicaron un traballo intenso ao non existir ata este momento un centro deste tipo orientado ás persoas con dano cerebral adquirido que buscaban normalizar a súa vida sociolaboral. Foron meses de axustes e de dar a coñecer o servizo pero tamén de éxitos, os que representan as seis insercións acadadas entre as persoas que participaron nas súas actividades.

Este sábado un grupo de aproximadamente 20 persoas usuarias dos diferentes servizos de Sarela fixeron unha excursión á Coruña. Isto permitiu que as familias tiveran este día para descansar e facer actividades que habitualmente non poden realizar.

Neste artigo Laura Martínez e Emily dos Santos, fisioterapeutas en Sarela, fálannos de cómo enfocan elas o traballo con persoas con DCA e dos condicionantes que atopan nunhas persoas que poden ter asociadas alteracións cognitivas, funcionais ou de linguaxe que van influír na recuperación.

Hoxe compartimos o primeiro dos vídeos que fixemos para explicar a actividade acuática en Sarela atendendo a diferentes perfiles de persoas usuarias e dos obxectivos a traballar. Laura Martínez, unha das nosas fisioterapeutas, preséntanos a piscina e fai un pequeno resumo dos beneficios do traballo na auga.

Un dos programas máis importantes para Sarela é o de información, orientación e apoio as familias. Crear unha rede social de apoio é unha das súas funcións e así nacen iniciativas como o apoio que as familias se dan entre si. Un exemplo son os obradoiros de informática que María José, familiar dun usuario do centro de día, imparte a outras familiares.

Unha das dotacións que ten Sarela no seu centro é a piscina accesible. Nela desenvolvemos a actividade acuática que é un complemento terapeútico e lúdico ao proceso de rehabilitación das persoas con Dano Cerebral Adquirido (DCA).