Subscríbete ao noso boletín
Recibe novas no teu email
Como xa informamos estes días, o servizo de voluntariado tamén se adaptou ás novas circunstancias. Por seguridade as persoas voluntarias non poden acceder ao centro e por iso acabamos de botar a andar o voluntariado virtual coa proposta de actividades que poden ser de axuda ás familias e a Sarela. Na web iremos actualizando os postos de acción voluntaria que precisamos.
De forma temporal, e até que a situación sanitaria o permita, Sarela viuse obrigada a suspender a colaboración que as persoas voluntarias viñan prestando de forma presencial nos distintos servizos da asociación. Sen embargo o servizo de voluntariado segue a traballar e a buscar persoas que poidan colaborar a distancia aproveitando as posibilidades que dan as novas tecnoloxías.