Colaboración en Radio Lalín

Montse Terceiro, socia de Sarela con dano cerebral, dá a visión en primeira persoa da reforma constitucional que, entre outras medidas, elimina o termo diminuída/o para referirse ás persoas con discapacidade e pon o énfase sobre os dereito e deberes que teñen esas persoas como cidadás e cidadáns libres e iguais. Montse tamén fala do grupo de primeira persoa de Sarela e que está formado por persoas con dano cerebral para tomar a palabra e participar de forma directa nos espazos sociais de representación da entidade.

Marta Ferreiro, logopeda, fala da disfaxia que é  é a dificultade para tragar que teñen moitas persoas con dano cerebral adquirido e que tamén afecta a outras con alzhéimer, esclerose lateral amiotrófica etc, ou que tiveron distintos tipos de cancro que afectan á zona da lingua, beizos, larinxe, etc. Tamén explica as  alternativas teñen estas persoas para desfrutar da comida.

Majo Hermida, terapeuta ocupacional e coordinadora do Servizo de Atención Especializada, fala da intervención específica con nenos e nenas con Dano Cerebral, da súa participación en aspectos da vida diaria como é escola, o lecer etc. 

Nesta entrevista Luciano Fernández, secretario de Sarela e presidente de Fegadace, fai un repaso sobre a situación das persoas e familias con dano cerebral desde o punto de vista social, asistencial etc e fala dos retos inmediatos e estratéxicos do movemento asociativo, e en particular de Sarela.

Laura Segade, traballadora social, fala os servizos e programas de atención ao Dano Cerebral de Sarela que son posibles en parte á achega a través do 0’7% do imposto recadado coa declaración da renda. Laura tamén aclara dúbidas sobre como marcar o cadro 106 na declaración, da posibilidade de, sen pagar máis nin desgravar menos, marcar tamén a da igrexa católica etc.

Noelia Parente é educadora social e responsable do programa de voluntariado de Sarela e explica cal é a visión deste tipo de colaboración en Sarela e como participar del. Acompáñaa Pedro Martínez, que participa como voluntario no mesmo.

Laura Segade, traballadora social, fala da importancia de ter, á hora de afrontar a nova situación derivada do DCA, unha información adecuada sobre esta discapacidade, recursos existentes, apoio doutras familias etc.

Noelia Parente, educadora social e orientadora laboral de Sarela, fala sobre a situación das persoas con DCA en idade laboral e do enfoque de traballo do Servizo de Orientación Laboral para acadar o obxectivo de que volvan traballar.

Majo Hermida, terapeuta ocupacional, fala deste servizo, do que é coordinadora, e que está enfocado ás persoas que rematan o seu período de rehabilitación.

Alba Mouzo, terapeuta ocupacional e coordinadora deste servizo, fala da importancia deste recurso de atención integral e especializada ás persoas con DCA en fase crónica ou de estabilización.

Rocío García, psicóloga/neuropsicóloga e directora de Sarela, fala dos actos de celebración do Día do DCA e do Día do Ictus, a primeira causa de dano cerebral.

Laura Segade, traballadora social, fai un balance do primeira ano de funcionamento en Lalín do Punto de información especializada en DCA posto en marchar coa colaboración do concello.

A psicóloga Sonia Porto falas das secuelas cognitivas relacionadas co Dano Cerebral e que abranguen aspectos como á orientación espacial e temporal, atención, concentración, memoria, planificación, expresión e comprensión da linguaxe etc.

Noela Ouro, psicóloga/neropsicóloga, explica estas secuelas, entre as que se atopan a impulsividade, a apatía, a inhibición, a axitación, a irritabilidade, ansiedade etc.

Coincidindo co inicio do prazo para presentar a declaración da renda Laura Segade, traballadora social, explica como marcar o recadro de fins sociais axuda á atención de familias con Dano Cerebral.

Emily Santalla, fisioterapeuta de Sarela, explica cales son as secuelas físicas do Dano Cerebral e que afectan por exemplo á execución de movementos, á regulación do ton muscular, á capacidade de manter o equilibrio ou á coordinación ou realización de movementos pero tamén poden supor dificultades para respirar ou afectar ao proceso de alimentación.

Laura Segade, traballadora social, fala dos primeiros momentos aos que se enfrontan as familias cando están na fase hospitalaria do DCA; aclara termos ás veces confusos e mal empregados como os estados de coma, vexetativo etc e fala dos dereitos sanitarios e asistencias nese momento; fontes de asesoramento; estado afectivo e emocional da familia etc.

Olalla Domínguez, traballadora social e coordinadora do Servizo de Información, Orientación e Apoio a Familias, explica que é o Dano Cerebral (causas, secuelas...) e presenta o obxectivo social de Sarela e seus servizos de atención ao DCA.