Subscríbete ao noso boletín
Recibe novas no teu email
O xoves 2 de decembro, na véspera do Día Internacional das Persoas con Discapacidade, ás 18:00 h. realizarán o acendido das luces de Nadal do hotel con actividades e música para nenos e nenas e chocolate con churros para todas as persoas asistentes. A recadación deste ano será doada a Sarela.
Hoxe botou a andar o novo proxecto de Mapis que consiste en crear un horto urbano na terraza do noso centro. Para ilo contamos cunha axuda de 2.500 euros da oficina de La Caixa na rúa Rosalía de Castro de Santiago e coa colaboración de Vicente Maneiro, un socio con dano cerebral e experto en agricultura ecolóxica, que a través do servizo de voluntariado orientará ás persoas usuarias na súa creación. Hoxe tiveron a primeira sesión de explicación e planificación do proxecto.
Unha das accións que todas as entidades do movemento asociativo do Dano Cerebral impulsan con motivo do Día do DCA é a iluminación en azul de edificios e monumentos representativos de cada municipio. Un ano máis Concello e Xunta de Galicia deron visibilidade a esta discapacidade colaborando coa actividade e á que se sumaron concellos da área sanitaria. En Santiago ilumináronse o Pazo de Raxoi, a sede da Xunta de Galicia e a Cidade da Cultura.
Sarela celebra o Día do Dano Cerebral Adquirido reclamando rehabilitación especializada para todas as persoas con esta discapacidade. Recuperou, suspendidas o ano pasado pola pandemia, a andaina pola cidade vella de Santiago e a lectura pública do manifesto do movemento asociativo na Praza do Obradoiro. Persoas con DCA leron o manifesto no que se fai fincapé, entre outras prioridades, na necesidade garantir o acceso universal á rehabilitación especializada de todas as persoas e familias.
Este é o manifesto que as 46 entidades que forman parte de FEDACE (Federación Española de Daño Cerebral) leron simultaneamente hoxe, 26 de outubro, con motivo do Día do Dano Cerebral. Nel resúmense as principais reivindicacións do movemento asociativo e que este ano se centraron na reclamación dunha rehabilitación especializada para todas as persoas con DCA. Tamén podes lelo en versión de lectura fácil.
Esta é a versión en lectura fácil do manifesto do Día do Dano Cerebral 2021 que leva por título "As persoas con dano cerebral necesitamos rehabilitación especializada. Mañá podes ser ti".
No mes do Día do Dano Cerebral, persoas con Dano Cerebral comparten que necesidades tiveron para a súa rehabilitación especializada. Este ano, as reclamacións de FEDACE no Día nacional do Dano Cerebral van estar centradas na necesidade de que todas as persoas con Dano Cerebral poidan acceder, desde o minuto cero, a unha rehabilitación específica e especializada; independentemente da súa residencia, idade, secuelas ou capacidade económica.
Un ano máis, e van quince, Sarela celebra o martes 26 de outubro o Día do Dano Cerebral Adquirido. Este ano recuperamos como acto principal a andaina que percorrerá as rúas da cidade vella e que se suspendeu o ano pasado debido á situación sanitaria. Esa camiñada sairá desde a Alameda ás 11:00 horas até a Praza do Obradoiro. Alí, ás 12:00 h. persoas con DCA e familiares lerán o manifesto que recolle o sentir do movemento asociativo.