Colección de fotografías do dúo La Diapo.
'Miradas que falan' é o título da exposición de fotografías que
La Diapo amosa estes días na
Fundación Granell, en Compostela, e que as persoas usuarias do centro de día de Sarela visitaron esta mañá. Os autores, de nome artístico e profesional La Diapo, son un dúo de fotógrafos profesionais que pretendían, con esta colección, promover a inclusión social das persoas con discapacidade intelectual.
As fotografías xorden dunha visita ao Centro Pai Menni, especializado en discapacidade intelectual, onde os profesionais de La Diapo realizaron unha serie de retratos das persoas usuarias. A continuación puxéronos en relación con outra serie de retratos de actores e actrices que se emparellaron e inspiraron nas primeiras fotografías. Colaboran coa iniciativa caras coñecidas como as de Luis Zahera, Isabel Blanco, Camila Bossa, Victor Mosqueira, César Goldi, Blanca Cendán, Patricia Vázquez, Belén Constenla e Yolanda Muiños.
Dentro do seu ciclo de visitas culturais, Sarela organiza saídas todos os venres pola mañá. As persoas usuarias do centro de día divídense en grupos para facilitar os desprazamentos, polo que só as que saíron hoxe puideron apreciar desta mostra, que xa vai ser retirada.
Ademais do labor de sensibilización que realizan a través de 'Miradas que falan', os profesionais de La Diapo levan realizado máis labores solidarios coas persoas con discapacidade. Recentemente colaboraron con Sarela realizando, a través do voluntariado, unha serie de retratos do equipo profesional e da xunta directiva.
Hai máis información sobre o proxecto 'Miradas que falan' na web de
La Diapo.