Arousaman doa a Sarela 1.200 euros recadados na última edición desta travesía a nado

14/03/2022

Minerva García fixo a entrega simbólica desta doazón a Concha Otero, vicepresidenta de Sarela. A cuarta edición desta travesía a nado na ría de Arousa celebrouse o 31 de xullo. A iniciativa naceu en 2015 grazas a Manuel Martínez “O Nacho”, unha persoa con DCA, que busca darlle visibilidade a esta discapacidade.

Sarela quere agradecer, ademais de á Asociación Deportiva Cultural Arousaman, a todas ás persoas e entidades que participaron e colaboraron na organización desta edición e que permitiu acadar a recadación de 1.200 euros.

 

Esta doazón será destinada para os traballos de sensibilización e atención do DCA que realiza Sarela e tamén para desenvolver o proxecto “Nado polo dano cerebral', que une a FEGADACE, á asociación Arousaman e ao nadador Aitor de Luis (do colectivo Batalla de Rande) para a promoción do deporte acuático na abordaxe do dano cerebral, e para a organización dunha travesía a nado solidaria. 
 

A travesía a nado Arousaman naceu en 2015 e é unha proba non competitiva que se celebra cada dous anos. O seu impulsor é o ribeirense Manuel Martínez “O Nacho”, unha persoa con Dano Cerebral Adquirido como secuela dun neurinoma do acústico, un tumor cerebral benigno que afecta a 1 de cada 100.000 persoas ao año.

 

Con este reto Manuel Martínez quixo simbolizar as dificultades e medos polas que pasa unha persoa e unha familia con Dano Cerebral. Os nadadores e nadadoras que percorren as 7,04 millas náuticas (13.038 metros) entre O Grove e Ribeira poden pensar en abandonar debido á dureza do reto pero o obxectivo é afrontar esas dificultades. Juan Ramón Martínez, irmán de Manuel e un dos organizadores, resúmeo cunha frase: “nós catro horas, eles toda a vida”.

 

Categorías: Sarela
Tags: ArousaMan
Compartir en:

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar todas Configurar Cookies Más información