Noticias
Guía práctica para a corentena con persoas con Dano Cerebral
Fedace (Federación Española de Daño Cerebral Adquirido) editou esta guía con consellos útiles que axudarán ás familias no confinamento con persoas con DCA. Consellos para a orientación temporal, para as alteración de conduta, emocionais, cognitivas e para o coidado do coidador son algúns dos seus contidos.
COVID-19 | Permitidas expresamente as saídas terapéuticas de persoas con discapacidade
As persoas con discapacidade que non poden soportar o confinamento indefinido, derivado do estado de alarma, poderán realizar saídas terapéuticas tal como se deriva da instrución do BOE de hoxe.
RECOMENDACIÓNS E ACOMPAÑAMENTO A FAMILIAS NO PERÍODO DE CONFINAMENTO POLO COVID-19
Dada a rapidez coa que se produciron os últimos acontecementos derivados do coronavirus, o equipo de profesionais de Sarela reuniu unha serie de recursos (vídeos, fotografías, enlace ...) para que as familias teñan unha referencia á hora de realizar os coidados e autocoidado: transferencias, exercicios físicos, Moito xa está na nosa web (https://www.sarela.org/axudas_confinamento) e irémolas ampliando e mellorando.
Informe do CERMI sobre contidos de discapacidade da Real Decreto-lei 8/2020, do 17 de marzo, de medidas urxentes extraordinarias para facer fronte ao impacto económico e social do COVID-19
Dunha lectura rápida do citado Real Decreto Lei, a efectos das persoas con discapacidade e as súas familias, o CERMI extrae as seguintes medidas que benefician a este sector social, e que responden á demanda exposta polo CERMI aos poderes públicos en xeral e ao Goberno de España, en particular, de outorgar unha protección reforzada ás situacións de discapacidade nesta crise de saúde pública.
Día Internacional da Muller | Xornada “Mulleres con discapacidade ante a violencia. Estamos protexidas?”
Con motivo da celebración o 8 de marzo do Día Internacional da Muller, a Comisión da Muller do CERMI Galicia organiza o martes 10 a xornada “Mulleres con discapacidade ante a violencia. Estamos protexidas?” na que abordar a situación das mulleres con discapacidade ante as distintas violencias machistas. Rocío García, directora de Sarela, participará, xunto con outras representantes de entidades do terceiro sector, na mesa redonda “Experiencias: mulleres con discapacidade ante a violencia”
Sarela agradece ao Colexio de Avogados de Santiago a concesión do XI Premio Dereitos Humanos
O venres 28 de marzo, o presidente de Sarela, José Balboa, recolleu o XI Premio Dereitos Humanos concedido polo Colexio de Avogados de Santiago que recoñece o traballo da entidade a favor dos dereitos das persoas con dano cerebral e súas familias. No acto de entrega, celebrado no salón nobre de Fonseca con motivo da súa festividade anual no día de San Raimundo de Peñafort, José Balboa agradeceu a concesión do premio en nome de toda a base social de Sarela.
Sarela conmemorará o seu 20 aniversario con actividades até finais de ano
Sarela cumprirá en decembro deste ano o seu 20 aniversario e, para celebralo, durante todo 2020 organizará distintas actividades en Santiago e nos concellos da área sanitaria. Algunha destas accións xa están en marcha e buscan dar visibilidade, sensibilizar e previr o dano cerebral adquirido; anticiparse ás necesidades futuras do colectivo e reivindicar o traballo feito nestes anos polos dereitos e calidade de vida das familias e persoas con DCA.
Contalo, explicalo, vivilo.
Esas son as claves da actividade de sensibilización que o equipo de profesionais de Sarela deseñou para, a través dunha metodoloxía lúdica e participativa, destinada a escolares de primaria e secundaria. Acompañando a unha pequena charla adaptada a cada idade, as profesionais de Sarela tamén poñen en práctica unha parte vivencial con experiencias a través das que os/as escolares poden percibir algunhas das secuelas derivadas do dano cerebral.
Sarela recibe de Compostela Solidaria os 6.300 euros recadados en novembro no Concerto Solidario
Compostela Solidaria é unha das moitas entidades sen ánimo de lucro que enriquecen a nosa cidade e que ten a particularidade que está integrada por persoas xubiladas. Unha das actividades que organizan ao longo do ano é o Concerto Solidario que reúne a varios grupos de música e cuxa recadación é destinada a outra entidade social.
“E agora que?”
Fundación bancaria “La Caixa” financia este proxecto de Sarela para prestar o servizo de información e atención de traballo social e psicoloxía a persoas e familias con dano cerebral adquirido.
Miles de persoas e máis de oitenta entidades celebramos o Día Internacional das Persoas con Discapacidade "Baixo o mesmo paraugas"
Miles de persoas en toda Galicia saíron á rúa cos seus paraugas para celebrar xunto a máis de 80 entidades sociais o Día Internacional de las Personas con Discapacidade con la iniciativa “Baixo o mesmo paraugas”, que nesta cuarta edición se celebrou na Coruña, Vigo, Pontevedra, Santiago de Compostela, e por primeira vez, en Lugo y Ourense. En Santiago o acto celebrouse na Praza do Obradoiro.
Sarela amplía as prazas públicas no servizo de atención diúrna terapéutica
Nos vindeiros días o centro de día de Sarela sumará 6 novas prazas públicas ás 23 actuais grazas á nova achega da Consellería de Política Social da Xunta de Galicia. Deste xeito, das 40 prazas autorizadas neste servizo especializado en dano cerebral adquirido 29 estarán cubertas pola administración autonómica. A conselleira Fabiola García visitou hoxe Sarela para coñecer de primera man todos os servizos e programas da asociación.
5 de decembro | Día Internacional das Persoas Voluntarias
Sarela ten presente todos os días do ano o traballo das persoas voluntarias que colaboran con nós. O Día Internacional das Persoas Voluntarias, tal como afirma a Organizacións de Nacións Unidas, supón unha oportunidade única para agradecer todos os esforzos realizadas polas voluntarias e voluntarios e súas organizacións e dar a coñecer os seus valores e logros nas súas comunidades.
Dezasete charlas nos centros socioculturais de Santiago para concienciar da dimensión social do DCA
Chamar a atención da dimensión social do Dano Cerebral Adquirido (DCA), incidir na importancia da prevención, explicar a importancia da atención especializada ou falar dos dereitos das persoas e familias nesta situación, son algúns dos obxectivos que ten o ciclo de charlas que, durante os meses de outubro, novembro, decembro e xaneiro, desenvolverá Sarela en 17 centros socioculturais da cidade, barrios e parroquias de Santiago.
Manifesto "Baixo o mesmo paraugas" polo Día Internacional das Persoas con Discapacidade
"Hoxe, 3 de decembro, conmemoramos o Día Internacional das Persoas con Discapacidade, instaurado pola Organización das Nacións Unidas. É un día para celebrar, para saír á rúa, para reivindicar, pero sobre todo para dar voz aos desexos e ás demandas de miles de persoas que en todo o mundo compartimos un mesmo fin: queremos unha vida digna e plena, como a de calquera outro cidadán".
O 'Defensor del Pueblo' reclama unha maior atención ao dano cerebral na infancia
A institución fixo público un estudo monográfico que analiza a situación da infancia e da adolescencia. Sarela participou, representada pola sús direcotora Rocío García (psicóloga-neuropsicóloga) nas reunións para a elaboración do mesmo.
Renovado o espazo asociativo no Hospital Clínico
A Xerencia da Xestión Integrada de Santiago presentou a diferentes entidades da área sanitaria o que será o novo Espazo de Uso Asociativo de Pacientes e que ven substituír o xa existente e permitirá usos que até o de agora non eran posibles. Sarela é unha das entidades que emprega este espazo como punto de información para familias.
COMPOSTELA CO DANO CEREBRAL ADQUIRIDO
Esta mañá, con motivo da celebración do Día do Dano Cerebral, Sarela organizou unha marcha en Santiago para dar visibilidade ao colectivo. Persoas con DCA, familiares, representantes dos grupos municipais e veciños/as de Santiago participaron na marcha que rematou na Praza do Obradoiro onde persoas con dano cerebral e familiares leron o manifesto reivindicativo.
Celebramos o Día do Ictus con puntos de información en Santiago, Ribeira, A Estrada e Arzúa.
Sarela celebrou onte, 29 de outubro, o Día Mundial do Ictus centrándose na información e sensibilización sobre a que é primeira causa de dano cerebral. O Hospital Clínico de Santiago, o Hospital da Barbanza (Ribeira) e os centros de saúde da Estrada e Arzúa acolleron senllas mesas informativas que foron atendidas por persoas socias e profesionais de Sarela. O ictus é a causa de case o 80% dos casos de dano cerebral en España, á súa vez primeira causa de discapacidade e dependencia.
Afrontar o día a día como coidadores/as de persoas con dano cerebral adquirido
Neste artigo un grupo de familiares de persoas con DCA que asisten ao centro de día reflexionan sobre a súa condición de coidadores/as e falan da súa experiencia no grupo de apoio no que participaron durante case dous anos.
