Sarela crea na Estrada, en colaboración co Centro de Saúde, un novo punto de información de dano cerebral

Unha traballadora social da asociación atenderao todos os venres entre as 10:00 e as 13:00 horas. As persoas e familias que, como secuela dun ictus, traumatismo, cancro ou calquera outra causa, teñan ou convivan co dano cerebral terán información sobre esta discapacidade, recursos de atención e rehabilitación, axudas existentes, trámites administrativos etc.

• Unha traballadora social de Sarela, a asociación de dano cerebral de Compostela, atenderao todos os venres entre as 10:00 e as 13:00 horas .
• As persoas e familias que, como secuela dun ictus, traumatismo, cancro ou calquera outra causa, teñan ou convivan co dano cerebral terán información sobre esta discapacidade, recursos de atención e rehabilitación, axudas existentes, trámites administrativos etc.
• Sarela eo Centro de Saúde da Estrada colaboran desde hai un par de anos para achegar a información á poboación da zona.

O Dano Cerebral Adquirido (DCA) é hoxe a primeira causa de discapacidade e dependencia en España pero, a pesar da súa enorme incidencia, moitas persoas que o teñen non acceden a unha información especializada e de calidade sobre as súas secuelas, posibilidades de recuperación grazas. á rehabilitación específica, recursos de atención existentes etc.

Atendendo a esta necesidade, Sarela e o Centro de Saúde crearon un punto de información que será un apoio ao equipo de profesionais do centro. Este é o primeiro punto de atención de Sarela fóra de Santiago. Funcionará todos os venres entre as 10 e as 13 horas e estará atendido por unha traballadora social de Sarela.

As persoas que teñan dano cerebral adquirido, así como os seus coidadores e familiares, serán orientados e informados sobre a propia discapacidade (secuelas, fases de recuperación...), a súa rehabilitación, recursos existentes para ilo, trámites administrativos, axudas etc.

Sarela desenvolve o seu labor nos concellos da área sanitaria de Santiago (actualmente 46 cunha poboación case 450.000 persoas) e entre os seus obxectivos, a parte da prestación directa de servizos, está o de informar, apoiar e orientar ás persoas con DCA e súas familias.

Nos últimos dous anos iniciou un intenso traballo para analizar a situación das persoas con dano cerebral nestes concellos. Fixéronse máis de 80 reunións con servizos municipais, centros de saúde, hospitais e outros organismos. A partir da información obtida organízanse (máis de 30 até hoxe) charlas para n, persoas coidadoras e poboación en xeral para formar sobre a especificidade dos coidados das persoas con DCA, axudas etc.

A descentralización da actividade da asociación, coa creación de puntos de información en concellos da área sanitaria, é o seguinte paso dun traballo que busca ser máis eficaces á hora de atender as necesidades existentes en torno ao dano cerebral adquirido.

Neste sentido, Sarela ten detectado que o acceso aos recursos de atención especializada e mesmo á información é moi dispar. A diferente dotación de persoal dos centros de saúde, servizos sociais municipais moitas veces sobrecargados, as dificultades de transporte nas áreas rurais etc determinan, en moitos casos, que as persoas con DCA non accedan a servizos especializados.

Sarela agradece a colaboración do Centro de Saúde da Estrada, co que xa se viña mantendo unha estreita colaboración dende hai dous anos. Así, en maio de 2017 o centro recoñeceu cun diploma estreado a Sarela polas boas prácticas desenvolvidas na relación á información e prevención do da cerebral adquirido.