Concedida subvención da Deputación da Coruña para desenvolver o programa de información, orientación e asesoramento a persoas e familias con DCA

03/06/2022

A Deputación da Coruña concedeu a Sarela unha subvención de 33.000 euros dentro do “Programa FOCVAA: convocatoria do programa de subvencións a entidades sen fins de lucro para o mantemento de programas sociosanitarios durante o ano 2022”. A resolución foi publicada no BOP do 26 de maio. Esta subvención afianza o Servizo de información, orientación e apoio a familias que é un elemento fundamental e gratuíto para as persoas e familias con DCA.

O proxecto que será apoiado desde a Deputación da Coruña busca paliar a situación de desorientación provocada pola falta de información á que normalmente se enfrontan as familias de persoas con DCA. Esta carencia é estrutural na nosa contorna sociosanitaria e provoca un choque emocional e organizativo na familia ademais de dificultar a procura de recursos e a toma de decisións importantes.

As actividades que se desenvolverán neste programa subvencionado pola Deputación da Coruña son:

  1. Atención social de Traballo Social, tanto á persoa con DCA como á familia: permite realizar unha avaliación da súa situación e necesidades e dar a orientación oportuna en cada caso sobre recursos, prestacións etc. Esta atención, ademais de ás persoas e familias socias, tamén se realiza nos Puntos de Información que Sarela ten en diferentes concellos e dos que catro están na provincia da Coruña: Hospital Clínico de Santiago, Hospital da Barbanza en Ribeira, Arzúa e Mazaricos.
  2. Actividades informativas e de capacitación: dirixidas principalmente á persoa que asume o rol de coidadora principal, co obxectivo de darlles coñecementos sobre o DCA e ferramentas que lles sirvan para facer fronte á nova situación. Realizaranse sesións formativas, presenciais e a distancia, actividades de autocoidado (ioga, técnicas de relaxación...) e actividades de lecer. Tamén se porá en marcha unha nova sección na web de Sarela que será un espazo dirixido ás familias onde terán acceso a contidos relacionados con Dano Cerebral e estratexias de autocoidado.
  3. Coordinación cos recursos sociosanitarias dos 37 concellos da Área sanitaria de Santiago e Barbanza que pertencen á provincia da Coruña. O obxectivo desta coordinación é favorecer unha mellor e rápida derivación a recursos de atención especializada das persoas e familias con DCA.

 

 

Categorías: Sarela
Compartir en:

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar todas Configurar Cookies Más información